ផ្សាយពាណិជ្ជកម្ម



 

អ្នកនិពន្ឋ:



ភ្នំពេញ ៖ ថ្ងៃទី១៧ ខែមករា ឆ្នាំ២០២២ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានសហព័ន្ធកីឡាការ៉ាតេកម្ពុជា បានស្នើឱ្យសមាជិកគណៈកម្មាធិការប្រតិបត្តិសហព័ន្ធ លោកគ្រូ-អ្នកគ្រូបង្វឹក និងកីឡាករ-កីឡាការិនី បន្តរក្សាសាមគ្គីភាពផ្ទៃក្នុង សហការគ្នា និង បង្កើនភាពស្និទ្ធស្នាល ក្នុងការជំរុញប្រភេទកីឡាការ៉ាតេកម្ពុជា ឱ្យកាន់តែខ្លាំងក្លា ប្រកបដោយឆន្ទៈមោះមុតបន្ថែមទៀត ដើម្បីឈានឆ្ពោះទៅរកជោគជ័យ ពីការប្រកួតកីឡា SEA Games ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ ។ 

 នេះជាការលើកឡើងរបស់ ឯកឧត្តមអគ្គបណ្ឌិតសភាចារ្យ នៅក្នុងឱកាសបិទការប្រកួតកីឡាការ៉ាតេ ជ្រើសរើសជើងឯកថ្នាក់ជាតិប្រចាំឆ្នាំ២០២១ កាលពីថ្ងៃ១៤កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃអាទិត្យ ទី១៦ ខែមករា ឆ្នាំ២០២២ នៅមជ្ឈមណ្ឌលហ្វឹកហាត់កីឡាការ៉ាតេ នៃសាកលវិទ្យាល័យភូមិន្ទភ្នំពេញ។ 

 ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានកោតសរសើរ និងវាយតម្លៃខ្ពស់ចំពោះមន្ត្រីរៀបចំការប្រកួត កីឡាករ កីឡាការិនី គ្រូបង្វឹកទាំងអស់ ដែលបានខិតខំប្រឹងប្រែង និងលះបង់កម្លាំងកាយចិត្ត ប្រាជ្ញាស្មារតី និងពេលវេលា ដោយតម្កល់ស្មារតីកីឡាការ៉ាតេឱ្យខ្ពស់ត្រដែត និងខិតខំប្រឹងប្រែងបំពេញភារកិច្ចរៀងៗខ្លួន រហូតទទួលបានលទ្ធផលដ៏ត្រចះត្រចង់មកដល់ពេលនេះ។ ដើម្បីពង្រឹងសក្តានុពលកីឡាការ៉ាតេ បន្ថែមទៀតលើឆាកអន្តរជាតិ ពិសេសការប្រកួតកីឡា SEA Games ឆ្នាំ២០២២ នៅប្រទេសវៀតណាម និងការប្រកួតកីឡា SEA Games ឆ្នាំ២០២៣ នៅកម្ពុជាឱ្យទទួលបានជោគជ័យ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានផ្តល់អនុសាសន៍សំខាន់ៗមួយចំនួន ក្នុងនោះ បន្តពង្រឹងសាមគ្គីភាព មិត្តភាព និងសហប្រតិ បត្តិការផ្ទៃក្នុងគ្រួសារការ៉ាតេ ឱ្យបានកាន់តែរឹងមាំ។ 

ត្រៀមលក្ខណៈសម្បត្តិឱ្យបានគ្រប់គ្រាន់ ក្នុងការបង្កើនគុណផលកីឡាការ៉ាតេឱ្យដល់កម្រិតខ្ពស់ ឈានទៅរកជ័យលាភីពីការប្រកួតកីឡា SEA Games ឆ្នាំ២០២៣ ប្រកបដោយភាពជឿជាក់។ ត្រៀមធ្វើជាម្ចាស់ផ្ទះរៀបចំការប្រកួតជើងឯកអាស៊ីអាគ្នេយ៍ SEAKF Championship លើកទី៩ ដែលនឹងប្រព្រឹត្តទៅពីថ្ងៃទី១៤-២២ ខែមីនា ឆ្នាំ២០២២ ឱ្យបានរលូន ប្រកបដោយកិត្តិយស សេចក្ដីថ្លៃថ្នូរ និងភាពជោគជ័យ។ ពេលវេលាទទួលធ្វើម្ចាស់ផ្ទះ ស៊ីហ្គេម ឆ្នាំ២០២៣ កាន់តែខិតជិតមកដល់ ដូច្នេះឆ្នាំ២០២២នេះ គឺជាឆ្នាំដ៏សំខាន់ ដែលយើងត្រូវធ្វើឱ្យប្រាកដប្រជា គ្រប់មុខងារទទួលខុសត្រូវ ដើម្បីសម្រេចឱ្យបាននូវផែនការយុទ្ធសាស្ត្រយកប្រៀបឈ្នះ និងជ័យលាភីជូនសហព័ន្ធ និងជូនជាតិមាតុភូមិរបស់យើង។ 


 ឯកឧត្តម វ៉ាត់ ចំរើន អគ្គលេខាធិការ សហព័ន្ធកីឡាការ៉ាតេកម្ពុជា បានលើកឡើងថា ព្រឹត្តិការណ៍នេះ មានអ្នកចូលរួមសរុបចំនួន ២២៧នាក់។ ចំពោះគណៈកម្មការរៀបចំមានចំនួន៧៧នាក់ ដែលបានខិតខំរៀបចំការប្រកួតអស់រយៈពេល៤ថ្ងៃ ដោយជំរុញឱ្យព្រឹត្តិការណ៍ជើងឯកថ្នាក់ជាតិប្រចាំឆ្នាំ២០២១នេះ បានដំណើរការដោយរលូន និងកាត់បន្ថយបញ្ហាបានជាង ៩០ភាគរយ បើប្រៀបធៀបនឹងព្រឹត្តិការណ៍ដូចគ្នា កាលពីឆ្នាំ២០២០កន្លងទៅ។ ដើម្បីតបស្នងចំពោះការយកចិត្តទុកដាក់ឧបត្ថម្ភគាំទ្រ និងការលះបង់របស់ថ្នាក់ដឹកនាំ ឯកឧត្តមអគ្គលេខាធិការ ប្តេជ្ញាចិត្តខ្ពស់ ក្នុងការខិតខំប្រឹងប្រែងបន្តជំរុញសកម្មភាពការងារកីឡាការ៉ាតេឱ្យទទួលបានគុណផលកីឡាមុតស្រួច និងជ័យលាភីជូនជាតិមាតុភូមិ ។ ជាពិសេសគឺការសម្រួចគោលដៅឱ្យទទួលបានជោគជ័យ ក្នុងឋានៈជាម្ចាស់ផ្ទះការប្រកួតកីឡា ស៊ីហ្គេម ឆ្នាំ២០២៣ នៅកម្ពុជា។ សូមបញ្ជាក់ថា ក្លិបកីឡាការ៉ាតេក្រសួងការពារជាតិ ដណ្តើមបានចំណាត់ថ្នាក់លេខ១ ដោយដណ្តើមបានមេដាយច្រើនជាងគេ ឈ្នះបានមេដាយមាស១១គ្រឿង ប្រាក់៦ និងសំរឹទ្ធិ៤។ 

ចំណាត់ថ្នាក់លេខ២ ក្រសួងមហាផ្ទៃ មេដាយមាស៨ ប្រាក់២ និងសំរឹទ្ធិ៦។ លេខ៣ ក្លិប ហនុមាន មេដាយមាស៤ ប្រាក់៧ និងសំរឹទ្ធិ៨ ខណៈលេខ៤ ក្រសួងសេដ្ឋកិច្ច និងហិរញ្ញវត្ថុ មេដាយមាស៤ ប្រាក់៤ និងសំរឹទ្ធិ១០គ្រឿង។ ក្រៅពី៤ក្លិបដែលឈ្នះមេដាយច្រើនជាងគេនេះ ក៏មានក្លិបជាច្រើនទៀត ដែលដណ្តើមបានមេដាយបានជាបន្តបន្ទាប់ ក្នុងចំណោមក្លិបចូលរួមចំនួន ២៤ក្លិបសមាគម-សាលាគុន និងមណ្ឌលកីឡាការ៉ាតេមកពីទូទាំងប្រទេស ដោយប្រកួតលើ ៣៤វិញ្ញាសា៕ អត្ថបទៈ ហេង ណាលីន រូបភាព៖ យឹម សុវឌ្ឍនា សម្រួលផ្សាយដោយ៖ ដារ៉ា


" សូមអានបន្ត " ចេញផ្សាយថ្ងៃ: January 17, 2022

អ្នកនិពន្ឋ:


  ភ្នំពេញៈ​ទង់ជាតិ​នៃ​បណ្តា​ប្រទេស​អាស៊ាន​ត្រូវបាន​បង្ហូត​ឡើងជា​ច្រើន​កន្លែង​ក្នុង​ខេត្ត​ព្រះសីហនុ​ខណៈពេល​វេទិកា​ទេសចរណ៍​អាស៊ាន​លើក​ទី​៤០ ឆ្នាំ​២០២២ ដែល​រួមមាន​កិច្ចប្រជុំ​ស្ថាប័ន​ទេសចរន៍​ជាតិ​អាស៊ាន (NTO) កិច្ចប្រជុំ​រដ្ឋមន្ត្រី​អាស៊ាន និង​ការតាំង​ពិ​ព័រ​ណ៌​ទេសចរណ៍ (Travex )​នៅ​ខេត្ត​ព្រះសីហនុ​ចាប់ពី​ថ្ងៃទី​១៦ ដល់​ថ្ងៃទី​២២ ខែមករា ឆ្នាំ​២០២២ កាន់តែ​ខិតជិត​មកដល់​។​

​លោក​គួច ចំរើន អភិបាលខេត្ត​ព្រះសីហនុ​បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​១៥ ខែមករា ឆ្នាំ​២០២២​ថា ទង់ជាតិ​នៃ​ប្រទេស​អាស៊ាន​ទាំងអស់​ត្រូវបាន​បង្ហូត​ឡើង​នៅ រង្វង់​មូល​ព្រះ​សិវ​និង​នាង​ឧមា​ភ​វ​តី​, មហាវិថី​ជំទាវ​ម៉ៅ​ត្រង់​ចំណុចប្រសព្វ​ជាមួយ​ផ្លូវជាតិ​លេខ​៤ និង មាននៅ​លើផ្លូវ​លេខ​៧០៥​មុខ​កំពង់ផែ​។ ឯ​វេទិកា​បើក​កម្មវិធី​ធ្វើ​នៅ​ទីលាន​តេ​ជោ និង កន្លែង​តាំង​ពិ​ព័រ​ណ៌​ធ្វើ​នៅក្នុង​បរិវេណ​សណ្ឋាគារ​សុខា​។​

​វេទិកា​ទេសចរណ៍​អាស៊ាន​លើក​ទី​៤០ ឆ្នាំ​២០២២ តាម​កម្មវិធី​រួមមាន​កិច្ចប្រជុំ​ស្ថាប័ន​ទេសចរណ៍​ជាតិ​អាស៊ាន (NTO) កិច្ចប្រជុំ​រដ្ឋមន្ត្រី​អាស៊ាន និង ការតាំង​ពី​ព័រ​ណ៌​ទេសចរណ៍ (Travex) នៅ​ខេត្ត​ព្រះសីហនុ​ចាប់ពី​ថ្ងៃទី​១៦ ដល់​ថ្ងៃទី​២២ ខែមករា ឆ្នាំ​២០២២ ដែលជា​ខេត្ត​ជាប់មាត់​សមុទ្រ​មាន​ឆ្នេរ​ខ្សាច់​ស្អាត មាន​កំពង់ផែ​អន្តរជាតិ ជា​ខេត្ត​បាន និង​កំពុងមាន​ការអភិវឌ្ឍ​ពហុ​វិស័យ​ហើយ​ត្រូវបាន​គេ​ចាត់ទុកថា​ជាតា​រា​ទើប​រះ​នៅ​ទិសនិរតី​។​
តាម​សេចក្តីជូនដំណឹង​របស់​ខេត្ត​ព្រះសីហនុ​កាលពី​ថ្ងៃទី​១៣ ខែមករា បានបង្ហាញ​ឱ្យឃើញថា សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​នឹង​អញ្ជើញ​ជា​អធិបតីភាព​ដ៏​ខ្ពង់ ខ្ពស់​ក្នុង​ពិធី​បើក​វេទិកា​ទេសណ៍​អាស៊ាន​លើក​ទី​៤០ ឆ្នាំ​២០២២ ដោយមាន​ការអញ្ជើញ​ចូលរួម​ដោយផ្ទាល់​ពី​ថ្នាក់ដឹកនាំ​ជាន់ខ្ពស់​របស់​រាជរដ្ឋាភិបាល សមាជិក​ព្រឹទ្ធសភា រដ្ឋសភា នៃ​ព្រះរាជាណាចក្រ​កម្ពុជា អង្គទូត​នានា​និង​រដ្ឋមន្ត្រី​ទេសចរន៍​អាស៊ាន ថ្នាក់ដឹកនាំ​ជាន់ខ្ពស់ ស្ថាប័ន​ទេសចរណ៍​ជាតិ​អាស៊ាន ព្រមទាំង​ក្រុមហ៊ុន​ជាតិ និង អន្តរជាតិ​។​

​នៅក្នុង​សេចក្តីជូនដំណឹង​ដែល​ចុះហត្ថលេខា​ដោយ​លោក​គួច ចំរើន បាន​សរសេរ​ទៀតថា​ដើម្បី​ចូលរួម​អបអរសាទរ​វេទិកា​ទេសណ៍​អាស៊ាន​លើក​ទី​៤០​ឆ្នាំ​២០២២ រដ្ឋបាលខេត្ត​ព្រះសីហនុ​នឹង​រៀបចំ​បាញ់​កាំជ្រួច​ចំនួន​ពីរលើក គឺ​នៅ​យប់​ថ្ងៃទី​១៨ និង​ទី​១៩ ខែមករា ឆ្នាំ​២០២២ សូម​បងប្អូន​ប្រជាពលរដ្ឋ និង​សាធារណជន​ទាំងអស់​ជ្រាប​ជា​ព័ត៌មាន​៕​


" សូមអានបន្ត " ចេញផ្សាយថ្ងៃ: January 15, 2022


(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្ញើជូនអ្នកសារព័ត៌មានជាតិ និងអន្តរជាតិ ក្នុងឱកាសទិវានៃពិធីជំនួបរវាងប្រមុខរាជរដ្ឋាភិបាលកម្ពុជា និងអ្នកសារព័ត៌មានកម្ពុជា លើកទី៦ ថ្ងៃទី១៤ ខែមករា ឆ្នាំ២០២២។ នេះបើតាមសារលិខិតដែលបណ្តាញព័ត៌មាន  ទទួលបាននៅព្រឹកថ្ងៃទី១៤ ខែមករានេះ។

ក្នុងសារលិខិតសម្តេចតេជោ ហ៊ុន សែន បានសូមអធ្យាស្រ័យចំពោះបងប្អូនសារព័ត៌មានទាំងអស់ ដែលរយៈពេល២ឆ្នាំចុងក្រោយនេះ រាជរដ្ឋាភិបាលអាក់ខានមិនបានរៀបចំពិធីជួបជុំដ៏មានសារៈសំខាន់ ដោយសារការឆ្លងរីករាលដាលនៃជំងឺកូវីដ១៩ ទ្រង់ទ្រាយធំចូលសហគមន៍។

សម្តេចបានលើកឡើងថា ឆ្នាំ២០២២នេះ គឺជាខួបលើកទី៦ ដែលត្រូវរៀបចំពិធីជំនួបរវាងប្រមុខរាជរដ្ឋាភិបាលជាមួយអ្នកសារព័ត៌មានកម្ពុជា ក្នុងនាមប្រជាជាតិខ្មែរតែមួយ ក្នុងគោលបំណងបង្កើនសាមគ្គីភាព និងពង្រឹងភាពជាដៃគូរវាងរាជរដ្ឋាភិបាល ជាមួយស្ថាប័នព័ត៌មានទាំងអស់ ដើម្បីលើកកម្ពស់សិទ្ធិសេរីភាពខាងសារព័ត៌មាន និងធានាបាននូវសុខដុមនីយកម្មសង្គម រក្សាសន្តិភាព ស្ថេរភាពនយោបាយ សន្តិសុខសណ្តាប់ធ្នាប់សង្គម និងជំរុញការអភិវឌ្ឍប្រកបដោយចីរភាព នៅប្រទេសកម្ពុជា៕

ខាងក្រោមនេះជាសារលិខិតរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា៖


" សូមអានបន្ត " ចេញផ្សាយថ្ងៃ: January 14, 2022

អ្នកនិពន្ឋ:

 


កណ្ដាល: ថ្ងៃទី១៣ ខែមករា ឆ្នាំ២០២២ មន្ទីរកសិកម្ម រុក្ខាប្រមាញ់ និងនេសាទ ខេត្តកណ្តាល សហការជាមួយអង្គការ សកម្មភាពដើម្បីស្រាវជ្រាវ និង អភិវឌ្ឍន៍ (ARD) ដែលជាអ្នកផ្តល់សេវាបច្ចេកទេស នៃគម្រោងពិពិធកម្មកសិកម្មកម្ពុជា នៅព្រឹកថ្ងៃ១០កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវថ្ងៃពុធ ទី១២ ខែមករា ឆ្នាំ២០២២ បានរៀបចំសិក្ខាសាលាផ្សព្វផ្សាយថ្នាក់ខេត្ត ស្តីពីគម្រោងពិពិធកម្មកសិកម្មកម្ពុជា លើកទី២ ។

សិក្ខាសាលាផ្សព្វផ្សាយនេះធ្វើឡើងក្នុងគោលបំណង ជូនដល់សហគមន៍កសិកម្ម អ្នកផលិតអាជីវករខ្នាតតូច និង មធ្យម និង ស្ថាប័ន្ធពាក់ព័ន្ធ ដើម្បីផ្តល់ព័ត៌មានឱ្យពួកគាត់បានយល់ដឹងអំពីដំណើរការជ្រើសរើសអ្នកទទួលផល លក្ខខណ្ឌចូលរួមដំណើរការ នៃការដាក់សំណើ និង ផែនការ ពិពិធកម្មកសិកម្ម ដើម្បីទទួលបានហិរញ្ញប្បទានពីគម្រោង ពិពិធកម្មកសិកម្មកម្ពុជា រួមមាន ហិរញ្ញប្បទានឥតសំណងបំពេញបន្ថែមទុនវិនិយោគ និងឥណទានពីគ្រឹះស្ថានហិរញ្ញវត្ថុជាដៃគូ។

លោក ហ៊ សុផល អនុប្រធាន មន្ទីរកសិកម្មរុក្ខាប្រមាញ់ និងនេសាទខេត្តកណ្ដាល បានបញ្ជាក់ថា សិក្ខាសាលាថ្ងៃនេះ គឺជាឱកាសដ៏ប្រសើរបំផុត សម្រាប់គ្រប់ភាគីពាក់ព័ន្ធទាំងអស់បានជួបជុំគ្នាដើម្បី ទទួលបានព័ត៌មានលម្អិតអំពីគម្រោង និងឱកាសទទួលបានហិរញ្ញប្បទានឥតសំណងបំពេញបន្ថែមទុនវិនិយោគ និងកម្ចីហិរញ្ញប្បទានពីគ្រឹះស្ថានហិរញ្ញវត្ថុនានាដែលបានចូលរួមសហការជាមួយគម្រោង។ ថវិកាទាំងនេះអាចទទួលបាន លុះត្រាតែសហគមន៍កសិកម្ម ក្រុមផលិត និងក្រុមហ៊ុនធុរកិច្ចកសិកម្មខ្នាតតូច និងមធ្យម បំពេញតាមលក្ខខណ្ឌតម្រូវនានារបស់គម្រោង និងមានសមត្ថភាពគ្រប់គ្រា ន់ដើម្បីរៀបចំសំណើពិពិធកម្មកសិកម្ម និងសំណើធុរកិច្ចកសិកម្ម ។ ជាពិសេសទាំងក្រុមហ៊ុន និងសហគមន៍ទាំងអស់ ត្រូវតែមានការចុះបញ្ជីស្របច្បាប់នៅក្នុងប្រទេសកម្ពុជា។ សហគមន៍កសិកម្ម និងក្រុមហ៊ុនណាដែលបានចុះបញ្ជីជាផ្លូវការ សូមសហការរួមគ្នាចងក្រងជាបណ្តាញអាជីវកម្ម និងបង្កើតភាពជាដៃគូយុទ្ធសាស្ត្រ ដើម្បីរៀបចំសំណើពិពិធកម្ម និងសំណើធុរកិច្ចដាក់ជូនក្រសួងកសិកម្ម រុក្ខាប្រមាញ់ និងនេសាទ ដើម្បីទទួលបានការគាំទ្រហិរញ្ញវត្ថុ ជាជំនួយឥតសំណងបំពេញបន្ថែមទុនវិនិយោគ ចំនួន៤០ភាគរយ នៃទុនវិនិយោគសរុប និងមានលទ្ធភាពទទួលបានការគាំទ្រឥណទាន(កម្ចី)បន្ថែមចំនួនរហូតដល់ ៦០ភាគរយ ពីគ្រឹះស្ថានហិរញ្ញវត្ថុឯកជន ដែលសហការជាមួយគម្រោងនេះផងដែរ។

ក្នុងសិក្ខាសាលានាដែរ លោក កើត កិត្តិនាថ អគ្គនាយករង នៃអគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា គម្រោងពិពិធកម្មកសិកម្មកម្ពុជា គឺជាប្រភេទគម្រោងថ្មីមួយ និងមានលក្ខណៈប្លែកពីគម្រោងផ្សេងៗ របស់ក្រសួងកសិកម្ម រុក្ខប្រមាញ់ និងនេសាទ និងជាឱកាសមួយថ្មី សម្រាប់សហគមន៍កសិកម្ម ក្រុមផលិត និងក្រុមហ៊ុនធុរកិច្ចកសិកម្ម ដែលមានបំណងចង់ពង្រីក និងកែលម្អអាជីវកម្ម ឬមុខរបរដែលមានស្រាប់ ឬបង្កើតមុខរបរថ្មី ដែលមានសក្តានុពលទីផ្សារក្នុងស្រុក និងការនាំចេញ។ គម្រោង ពិពិធកសិកម្មនេះ ទទួលបានការគាំទ្រហិរញ្ញប្បទានថវិកាសរុប ១០១,១៧លានដុល្លារអាម៉េ រិក ដែលក្នុងនោះពីធនាគារពិភពលោកចំនួន ៩១,៦៧ លានដុល្លារអាម៉េរិក និង ថវិកាបដិភាគរបស់រាជរដ្ឋាភិបាលកម្ពុជាចំនួន ១០លានដុល្លារអាម៉េរិក សម្រាប់អនុវត្តន៍សកម្មភាពក្នុងខេត្ត-ក្រុងគោលដៅចំនួន១៣ រួមមាន៖ ខេត្តបាត់ដំបង សៀមរាប ព្រះវិហារ ស្ទឹងត្រែង រតនគិរី មណ្ឌលគិរី ក្រចេះ ត្បូងឃ្មុំ កំពង់ចាម កំពង់ឆ្នាំង កំពង់ស្ពឺ កណ្តាល និង រាជធានីភ្នំពេញ។

គួររម្លឹកដែរថា បន្ទាប់ពីការផ្សព្វផ្សាយគម្រោងកាលពីឆ្នាំ២០២០កន្លងទៅ ក្រសួងកសិកម្ម រុក្ខាប្រមាញ់ និងនេសាទ ទទួលបានសំណើ ពិពិធកម្មកសិកម្ម ចំនួនជាង៥០សំណើ ជាលទ្ធផល ផែនការពិពិធកម្មកសិកម្មចំនួន ០៧ ត្រូវបានគណៈកម្មការវាយតម្លៃ និងគណៈកម្មការពិគ្រោះ និងអនុម័ត បានសម្រេចអនុម័តជាផ្លូវការ ដើម្បីឱ្យទទួលបានហិរញ្ញប្បទានឥតសំណងបំពេញបន្ថែមលើទុនវិនិយោគ ចំនួន៤០ភាគរយ នៃថវិកាស្នើសុំសរុបរបស់ផែនការពិពិធកម្មរបស់សហគមន៍ ៕ ដោយ ណយ នឿន (ប្រភពៈរដ្ឋបាលខេត្តកណ្ដាល) សម្រួលផ្សាយដោយ៖ dara


" សូមអានបន្ត " ចេញផ្សាយថ្ងៃ: January 13, 2022

អ្នកនិពន្ឋ:


 កណ្ដាល ៖​ ថ្ងៃទី១២ ខែមករា ឆ្នាំ២០២២ ឯកឧត្តម គង់ សោភ័ណ្ឌ អភិបាលខេត្តកណ្តាល និងជាប្រធានគណៈបញ្ជាការឯកភាពខេត្ត បានមានប្រសាសន៍ថា កិច្ចប្រជុំគណៈបញ្ជាការឯកភាពរដ្ឋបាលខេត្ត ធ្វើឡើងដើម្បីដាក់ផែនការរក្សាសន្តិសុខ សណ្តាប់ធ្នាប់សាធារណៈជូនប្រជាពលរដ្ឋ និងពង្រឹងលើវិធានការបង្ក្រាប និងទប់ស្កាត់ឱ្យបានម៉ឹងម៉ាត់ ចំពោះបទល្មើសនានា ពិសេសបទល្មើសគ្រឿងញៀន ល្បែងស៊ីសងខុសច្បាប់ និងរឹតបន្តឹងច្បាប់ចរាចរណ៍ផ្លូវគោក តាមបណ្តាក្រុង ស្រុក ទាំងអស់ក្នុងខេត្តកណ្តាល។ ឯកឧត្តម ប្រធានគណៈបញ្ជាការឯកភាពរដ្ឋបាលខេត្ត បានលើកឡើងបែបនេះ នៅក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកណ្ដាលប្រចាំឆ្នាំ នៅព្រឹកថ្ងៃ៩កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃអង្គារ ទី១១ ខែមករា ឆ្នាំ២០២២ នៅសាលាខេត្តកណ្តាល ដោយមានការចូលរួមពីសំណាក់ លោក លោកស្រី អភិបាលរងខេត្ត កងកម្លាំងប្រដាប់អាវុធទាំងបីប្រភេទ អភិបាលក្រុង ស្រុក និងមន្ត្រីពាក់ព័ន្ធនានា។ 

 ឯកឧត្តមប្រធាន ក៏បានកោតសរសើរ និងវាយតម្លៃខ្ពស់ដល់អាជ្ញាធរគ្រប់លំដាប់ថ្នាក់ ដែលបានយកចិត្តទុកដាក់ ខិតខំប្រឹងប្រែងបំពេញការងារ ប្រកបដោយការទទួលខុសត្រូវខ្ពស់ និងកិច្ចខិតខំប្រឹងប្រែង ក្នុងការដោះស្រាយបញ្ហាប្រឈមនានា ដែលកើតមានឡើងទទួលបានលទ្ធផលល្អប្រសើរនាពេលកន្លងមក។ អាជ្ញាធរ និងកងកម្លាំងសមត្ថកិច្ចគ្រប់លំដាប់ថ្នាក់ទាំងអស់ ត្រូវបង្កើនការខិតខំយកចិត្តទុកដាក់បន្តទៀត លើការរក្សាសន្តិសុខ សណ្តាប់ធ្នាប់ និងពង្រឹងការអនុវត្តគោលនយោបាយភូមិ ឃុំមានសុវត្ថិភាព ឱ្យបានល្អប្រសើរ ដើម្បីឱ្យប្រជាពល រដ្ឋមានជំនឿទុកចិត្តមកលើតួនាទី និងភារកិច្ចរបស់ខ្លួន តាមរយៈការបំពេញតួនាទីភារកិច្ចបម្រើប្រជាពលរដ្ឋ ប្រកបដោយស្មារតីមនសិការវិជ្ជាជីវៈទទួលខុសត្រូវខ្ពស់ ក្នុងការងារដែលថ្នាក់លើប្រគល់ជូន ។

 ត្រូវគិតផលប្រយោជន៍ជាតិ និងប្រជាជនជាធំ ខិតខំពង្រឹងសមត្ថភាព ចំណេះដឹង និងជំនាញជាប្រចាំដើម្បីប្រសិទ្ធភាពការងារ។ ឯកឧត្តមអភិបាលខេត្ត ក៏បានជំរុញដល់ប្រធានមន្ទីរ-អង្គភាព អភិបាលក្រុង ស្រុកទាំងអស់ ត្រូវខិតខំបំពេញកាត្វកិច្ចរបស់ខ្លួន បម្រើសេវាសាធារណៈជូនប្រជាពលរដ្ឋឱ្យបានល្អប្រសើរកើនឡើងទ្វេដង ។

 ជាពិសេសត្រូវដោះស្រាយបញ្ហាជូនប្រជាពលរដ្ឋ ដែលនៅសេសសល់កន្លងមក ឱ្យបានឆាប់រហ័ស និងទទួលយកសំណូមពរផងដែរ។ ក្នុងឱកាសនោះដែរ ឯកឧត្តមគង់ សោភ័ណ្ឌ បានស្នើដល់អាជ្ញាធរក្រុង ស្រុក ត្រូវអនុវត្តន៍តាមសារាចររបស់រាជរដ្ឋាភិបាលលេខ០១សរ ស្ដីពីការជំរុញការចាក់វ៉ាក់សាំងបង្ការជំងឺកូ វីដ-១៩ និងការពង្រឹងការអនុវត្តវិធានការសុវត្ថិភាព ផ្នែកសុខាភិបាល ដើម្បីប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ ជាពិសេសមេរោគបំប្លែងខ្លួនថ្មី ប្រភេទអូមីក្រុង ៕ដោយ ណយ នឿន (ប្រភពៈរដ្ឋបាកខេត្តកណ្តាល) សម្រួលផ្សាយដោយ៖ ដារ៉ា


" សូមអានបន្ត " ចេញផ្សាយថ្ងៃ: January 12, 2022

 


នៅព្រឹកមិញនេះ ឯកឧត្តម ផុស សុវណ្ណ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋានព័ត៌មាន និងសោតទស្សន៍បានអនុញ្ញាតអោយលោក ទេស វិបុល ប្រធានសមាគមសេរីភាពអ្នកសារព័ត៌មានកម្ពុជាបានជួបសម្តែងការគួរសមនិងរាយការណ៍ពីស្ថានភាពអ្នកសារព័ត៌មាន

កំពុងមានបញ្ហាថ្មីៗនេះ។

ជាមួយគ្នានេះដែរ ឯកឧត្តម ផុស សុវណ្ណ បានមានប្រសាសន៍ជុំវិញគម្រោងបេីកវគ្គបណ្តុះបណ្តាលនាពេលខាងមុខរបស់សមាគមគឺជារឿងត្រឹមត្រូវតាមស្ថានភាពជាក់ស្តែង។

ឯកឧត្តមបានរំលឹកថាសមាគមត្រូវជួយដល់អ្នកសារព័ត៌មាន

ដែលកំពុងមានបញ្ហាផង។

លោក ទេស វិបុល បានលេីកឡេីងថា សមាគមលោកនឹងបន្តជួយអ្នកកាសែតដោយគ្មានការរេីសអេីងឡេីយ ដូចលោកបានធេី្វកនលងមកដែរ៕

" សូមអានបន្ត " ចេញផ្សាយថ្ងៃ: January 11, 2022

អ្នកនិពន្ឋ:

  


កណ្តាល៖ ថ្ងៃទី១១ ខែមករា ឆ្នាំ២០២២ នៅរសៀលថ្ងៃ៨កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃចន្ទ ទី១០ ខែមករា ឆ្នាំ២០២២ រដ្ឋបាលខេត្តកណ្តាល បានបើកកិច្ចប្រជុំគណៈអភិបាលខេត្ត ប្រចាំឆ្នាំ២០២១ ក្រោមអធិបតីភាព ឯកឧត្តម គង់ សោភ័ណ្ឌ អភិបាលខេត្តកណ្ដាល ដោយមានការចូលរួមពីលោក លោកស្រីអភិបារងខេត្ត មន្ទីរអង្គភាពជុំវិញខេត្ត និង អភិបាល អភិបាលរងក្រុង ស្រុកទាំង១១ ។

ឯកឧត្តម គង់ សោភ័ណ្ឌ អភិបាលខេត្តកណ្ដាល មានប្រសាសន៍ថា សម្រាប់ឆ្នាំថ្មី ឆ្នាំ២០២២នេះ អាជ្ញាធរក្រុង-ស្រុក មន្ទីរអង្គភាពជុំវិញខេត្ត និងកងកម្លាំងគ្រប់លំដាប់ថ្នាក់ ត្រូវបន្តខិតខំរួមសាមគ្គីគ្នា បំពេញភារកិច្ច កាតព្វកិច្ច និងទិសដៅការងាររបស់ខ្លួន ឱ្យមានប្រសិទ្ធភាព ដើម្បីឈានទៅរកការអភិវឌ្ឍ និងការកសាងសមិទ្ធផលថ្មីៗឱ្យបានច្រើនបន្ថែមទៀតក្នុងខេត្ត។ ត្រូវរួមគ្នាត្រួតពិនិត្យ ពិភាក្សា បញ្ហាប្រឈម ដូចជាចំណុចខ្វះចន្លោះដែលនៅមិនទាន់បានអនុវត្ត និងធ្វើការដោះស្រាយ ដើម្បីរួមគ្នាកែលម្អ ដោះស្រាយឱ្យបានកាន់តែល្អប្រសើរ ទាន់ពេលវេលា ឆ្លើយតបទៅនឹងភាពអភិវឌ្ឍន៍រីកចម្រើនរបស់ប្រទេសជាតិ ក៏ដូចក្នុងខេត្តកណ្តាល សំដៅខិតខំបម្រើជូនប្រជាជននៅក្នុងមូលដ្ឋាន ប្រកបដោយប្រសិទ្ធភាព និងប្រសិទ្ធផល។

ឯកឧត្តម បានជំរុញ និងលើកទឹកចិត្តដល់អាជ្ញាធរគ្រប់លំដាប់ថ្នាក់ ត្រូវតែខិតខំដោះស្រាយបញ្ហាប្រឈមនានារបស់ប្រជាពលរដ្ឋឱ្យមានប្រសិទ្ធភាព ចេញជាលទ្ធផលជូនពួកគាត់ កុំឱ្យមានការយឺតយ៉ាវឱ្យសោះ។ ពោលគឺយើងមិនត្រូវទុកឱ្យរាល់បញ្ហាប្រឈម និងសំណូមពររបស់ប្រជាពលរដ្ឋ អូសបន្លាយយូរបានឡើយ ត្រូវដោះស្រាយឱ្យបានចប់ទាន់សភាពការណ៍។

ឯកឧត្តមអភិបាលខេត្ត ក៏បានផ្ដាំផ្ញើដល់មន្ត្រីរាជការ កងកម្លាំងទាំងអស់ត្រូវយកចិត្តទុកដាក់ ស្ដាប់រាល់សាររបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីធ្វើការសិក្សារៀនសូត្រ និងអនុវត្តន៍តាមឱ្យស្របទៅនឹងទិសដៅការងាររបស់ខ្លួន ដើម្បីទទួលបានវឌ្ឍនភាពការងារ កាន់តែល្អប្រសើរឡើងផងដែរ។

ក្នុងកិច្ចប្រជុំនេះដែរ ឯកឧត្តមអភិបាលខេត្ត បានឱ្យដឹងដែរថា ពាក់ព័ន្ធនឹងកម្មវិធី ODF ការប្រើប្រាស់បង្គន់អនាម័យក្នុងខេត្តកណ្ដាល គឺមានស្រុកចំនួន៧ហើយ ដែលអនុវត្តកម្មវិធីនេះបានជោគជ័យ នៅសល់ក្រុង-ស្រុកចំនួន ៤ទៀតប៉ុណ្ណោះដែលត្រៀមនឹងបញ្ចប់កម្មវិធីODF នៅក្នុងខែកុម្ភៈ ឆ្នាំ២០២២ ខាងមុខនេះ ។ ដែលអាចបញ្ជាក់បានថា ប្រជាពលរដ្ឋក្នុងខេត្តកណ្ដាលនឹងមានបង្គន់អនាម័យប្រើប្រាស់គ្រប់ខ្នងផ្ទះទាំងអស់ អាចឈានទៅបញ្ឈប់ទាំង ស្រុងនូវការបន្ទោបង់ពាសវាលពាសកាលតទៅទៀត៕ ដោយ ណយ នឿន (ប្រភពៈ រដ្ឋបាលខេត្តកណ្ដាល ) សម្រួលផ្សាយដោយ៖ ដារ៉ា





" សូមអានបន្ត " ចេញផ្សាយថ្ងៃ: January 11, 2022

អ្នកនិពន្ឋ:



     សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី១០ខែមករាឆ្នាំ២០២២នេះ បានអញ្ជើ ញជាអធិបតីដ៏ខ្ពង់ខ្ពស់ រួមជាមួយឯកឧត្តមមិកាមិ ម៉ាសាហ៉ីរ៉ូ ឯកអគ្គរាជទូតជប៉ុនប្រចាំនៅកម្ពុជា ក្នុងពិធីសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ ៥ ប្រវែងជាង៨៤គីឡូម៉ែត្រ ចាប់ពីខេត្តបាត់ដំបងដល់ក្រុងសិរីសោភ័ណខេត្តបន្ទាយមានជ័យ ដែលបានប្រកាសបើកការដ្ឋានសាងសង់ក្រោមអធិបតីភាពដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី កាលពីថ្ងៃទី២៦ ខែមីនា ឆ្នាំ២០១៨ ដោយប្រើប្រាស់រយៈពេលសាងសង់ចំនួន ៥៥ខែ និងបានបញ្ចប់ជាស្ថាពរនៅក្នុងខែ កញ្ញា ឆ្នាំ២០២១ ដោយចំណាយថវិកាសរុបប្រមាណ ១៦៥.៧៨ លានដុល្លារអាមេរិក ក្រោមហិរញ្ញប្បទានអភិវឌ្ឍផ្លូវការពីរដ្ឋាភិបាលជប៉ុន រួមជាមួយនឹងថវិកា បដិភាគរបស់រាជរដ្ឋា ភិបាល សម្រាប់ការងារដោះស្រាយផលប៉ះពាល់ បោសសម្អាតគ្រាប់មីននិង យុទ្ធភ័ណ្ឌមិនទាន់ផ្ទុះ។

     ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនបានបញ្ជាក់ក្នុងសុន្ទរកថាស្វាគមន៍និងរបាយការណ៍ឱ្យដឹងថា

សមិទ្ធផលថ្មីនេះ គឺជាចំណងដៃដ៏ថ្លៃថ្លាមិនអាចកាត់ថ្លៃបាន របស់រាជរដ្ឋាភិបាលកម្ពុជា ជូនដល់ប្រជាពលរដ្ឋខេត្តបាត់ដំបង ខេត្តបន្ទាយមានជ័យ ព្រមទាំងប្រជាពលរដ្ឋដែលរស់នៅតាមបណ្តោយផ្លូវជាតិលេខ៥ ក៏ដូចជាប្រជាពលរដ្ឋនៅទូទាំងប្រទេសផងដែរ ដើម្បីប្រើប្រាស់ជាប្រយោជន៍ទូទៅ និងយូរអង្វែង។

    កំណាត់ផ្លូវពីបាត់ដំបងទៅក្រុងសិរីសោភ័ណ ដែលសម្ពោធដាក់ឱ្យប្រើប្រាស់នេះ គឺជាកំណាត់ ផ្លូវទី១ ក្នុងចំណោមកំណាត់ផ្លូវទាំង៣ នៃគម្រោងធ្វើឱ្យប្រសើរឡើង វិញផ្លូវជាតិលេខ៥ ចាប់ផ្តើមពីព្រែកក្តាម ស្រុកពញាឮ ខេត្តកណ្តាល រហូតដល់ក្រុងប៉ោយប៉ែត ខេត្តបន្ទាយមានជ័យ ដោយគ្រោងប្រើប្រាស់ថវិកាប្រមាណ ៥០០លានដុល្លារអាមេរិក។

    ឯកឧត្តមស៊ុន ចាន់ថុល បានឱ្យដឹងទៀតថា កំណាត់ផ្លូវទាំង៣នេះរួមមាន៖ កំណាត់ទី១ ស្ថិតនៅភាគខាងជើង (បាត់ដំបង-សិរីសោភ័ណ) មានប្រវែង ៨៤,៧៤គីឡូម៉ែត្រ បានបញ្ចប់ការងារសាងសង់ជាស្ថាពរ ១០០%, កំណាត់ទី២ ស្ថិតភាគខាងត្បូង (ព្រែកក្តាម-ធ្លាម្អម) មានប្រវែង ១៣៥,២៥គីឡូម៉ែត្រ សាងសង់សម្រេចបានប្រមាណ៦៤% គ្រោងនឹងបញ្ចប់នៅពាក់កណ្តាលឆ្នាំ២០២២ និងកំណាត់ទី៣ ស្ថិតនៅភាគកណ្តា ល (ធ្លាម្អម-បាត់ដំបង និងសិរីសោភ័ណ-ប៉ោយ ប៉ែត) មានប្រវែង ១៤៦,០៤គីឡូម៉ែត្រ ដែលកំណាត់ធ្លាម្អម-បាត់ដំបង សម្រេចបានប្រមាណ ៥៥% និងកំណាត់សិរីសោភ័ណ-ប៉ោយប៉ែត កំពុងរៀបចំនីតិវិធីដេញថ្លៃជ្រើសរើសក្រុមហ៊ុនសាងសង់។

  កំណាត់ផ្លូវជាតិលេខ៥ បាត់ដំបង-សិរីសោភ័ណ គឺជាប្រភេទផ្លូវចាក់បេតុងកៅស៊ូ (AC) មានកម្រាស់ ១៥សង់ទីម៉ែត្រ។ កំណាត់ផ្លូវនេះ ត្រូវបានពង្រីកទំហំផ្លូវមេដែលមានស្រាប់ ប្រវែង ៥១,៤៨គីឡូម៉ែត្រ ទទឹងមានប្រវែង ២៣ម៉ែត្រ មាន ៤គន្លង (គន្លងនីមួយៗ មានទទឹង ៣,៥០ ម៉ែត្រ និងមាន ២គន្លងទៅ និង២គន្លងមក) ចិញ្ចើមផ្លូវមានទទឹង ៣ម៉ែត្រ (សងខាង) និងសួនទ្រូងផ្លូវខណ្ឌចែកទិសដៅចរាចរណ៍នៅចំកណ្តាល មានទទឹង ៣ម៉ែត្រ ។

  កំណាត់ផ្លូវនេះ បានសាងសង់ផ្លូវវាងក្រុង ២ខ្សែ ប្រវែងសរុប ៣៣,២៦គីឡូម៉ែត្រ (ផ្លូវវាងក្រុងបាត់ ដំបង ប្រវែង ២៣,៩២គីឡូម៉ែត្រ និងផ្លូវវាងក្រុងសិរីសោភ័ណ ប្រវែង ៩,៣៤គីឡូម៉ែត្រ) ក្នុងនោះ សាងសង់ស្ពានថ្មីចំនួន ២កន្លែង (លើផ្លូវវាង) ពង្រីក និងជួសជុលស្ពានដែលមានស្រាប់ចំនួន ១០កន្លែង (លើផ្លូវមេ)។ គម្រោងនេះ បានរួម បញ្ចូលទាំងការងារដាក់លូប្រអប់ចំនួន ៧៦ កន្លែង និងលូមូលតាមបណ្តោយផ្លូវចំនួន ១១៣ កន្លែង ព្រមទាំងបំពាក់ភ្លើងបំភ្លឺ LED នៅតាមផ្លូវប្រសព្វ។

     ឯកឧត្តមទេសរដ្ឋមន្រ្តី បានគូសបញ្ជាក់ថា ផ្លូវ ជាតិលេខ៥ គឺជាខ្សែផ្លូវដ៏មានសក្តានុពលតភ្ជាប់ទំនាក់ទំនងរូបវន្ត ស្ថាប័ន និងប្រជាជននៃខេត្ត បាត់ដំបង ខេត្តបន្ទាយមានជ័យ និងបណ្តាខេត្តជាប់ព្រំប្រទល់គ្នា ហើយក៏ជាខ្សែផ្លូវយុទ្ធសាស្រ្តយ៉ាងសំខាន់តភ្ជាប់ពីរាជធានីភ្នំពេញ ទៅច្រកទ្វារព្រំដែនប៉ោយប៉ែត-អារញ្ញប្រាថេត (ព្រំដែនកម្ពុជា -ថៃ) ដោយឆ្លងកាត់ខេត្តចំនួន៥ រួមមាន៖ ខេត្ត កណ្តាល កំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ។ ផ្លូវជាតិលេខ៥ នេះ គឺជាផ្នែកមួយនៃផ្លូវអាស៊ានហាយវ៉េលេខ១ (AH1) ដែលបានតភ្ជាប់គ្នារវាង រាជធានីភ្នំពេញ ទីក្រុងបាង កក និងទីក្រុងហូជីមិញ និងជាខ្សែផ្លូវស្ថិតក្នុងរបៀងសេដ្ឋកិច្ចខាងត្បូងដ៏មានសក្តានុពល និងការប្រកួតប្រជែងខ្លាំងសម្រាប់វិស័យទេសចរណ៍ ពាណិជ្ជកម្ម វិនិយោគ ភស្តុភារកម្ម និងសេដ្ឋកិច្ចរបស់អាស៊ាន ក៏ដូចជាមហាអនុតំបន់មេគង្គដែរ ៕

" សូមអានបន្ត " ចេញផ្សាយថ្ងៃ: January 10, 2022

 



នេះបើយោងតាមលិខិតប្រគល់សិទ្ធិរបស់ លោក ហង្ស ចក្រា ប្រធានស្តីទីសមាគម ចុះថ្ងៃទី០១ ខែមករា ឆ្នាំ២០២២។

លិខិតនោះបញ្ជាក់ថា ក្នុងនាមប្រធានស្តីទីសមាគម សូមជម្រាបជូន ថ្នាក់ដឹកនាំ សមាជិក សមាជិកា នៃ សមាគមសេរីភាពអ្នកសារព័ត៌មានកម្ពុជាទាំងអស់ ឲ្យបានជ្រាបថា ដោយស្ថានភាពជំងឺរបស់ លោក ទេស វិបុល មានភាពប្រសើរឡើង មានលទ្ធភាពអាចបន្តដឹកនាំសមាគមបម្រើផលប្រយោជន៍សមាជិកបន្តទៀតបាន ដូច្នេះ ខ្ញុំសូមប្រគល់សិទ្ធិដឹកនាំសមាគមសេរីភាពអ្នកសារព័ត៌មានកម្ពុជា ជូនលោកប្រធានវិញ ចាប់ពីថ្ងៃចុះហត្ថលេខានេះតទៅ។





" សូមអានបន្ត " ចេញផ្សាយថ្ងៃ: January 08, 2022

អ្នកនិពន្ឋ:

 



 ភ្នំពេញ៖ ថ្ងៃទី០៨ ខែមករា ឆ្នាំ២០២២   ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានសម្ដែងនូវការគាំទ្រចំពោះបទឈប់បាញ់ និងការបញ្ឈប់រាល់អំពើហិង្សា ក្នុងប្រទេសមីយ៉ាន់ម៉ា ដោយសម្ដេចបានចាត់ទុកថា ទង្វើទាំងនេះ គឺក្នុងគោលបំណងកាត់បន្ថយភាពតានតឹង និងបើកផ្លូវឱ្យមានកិច្ចសន្ទនាប្រកបដោយស្មារតីស្ថាបនា រវាងភាគីពាក់ព័ន្ធទាំងអស់ សំដៅឈានទៅសម្រេច បាននូវសន្តិភាពយូរអង្វែង និងការអភិវឌ្ឍជាតិ។ (នេះបើយោងតាមសេចក្ដីប្រកាសព័ត៌មានរួម ដែលចេញផ្សាយរបស់ក្រសួងការបរទេសនាយប់ថ្ងៃទី ០៧ ខែមករា ឆ្នាំ២០២២ ស្ដីពីដំណើរទស្សនកិច្ចរបស់សម្ដេចតេជោ ហ៊ុន សែន នៅសាធារណរដ្ឋសហភាពមីយ៉ាន់ម៉ា)។

ក្នុងសេចក្តីប្រកាសបានបញ្ជាក់ថា នៅក្នុងជំនួបរវាង សម្តេចតេជោនាយករដ្ឋមន្ត្រី និងឯកឧត្តម នាយឧត្តមសេនីយ៍ជាន់ខ្ពស់ មីន អោង ឡាំង ថ្នាក់ដឹកនាំទាំងពីរបានពិភាក្សាអំពីបញ្ហាទ្វេភាគី និងបញ្ហាតំបន់មួយចំនួន ដែលជាផលប្រយោជន៍ និងក្តីកង្វល់រួម។ ថ្នាក់ដឹកនាំទាំងពីរបានជម្រាបជូនគ្នាទៅវិញទៅមក អំពីការវិវត្តថ្មីៗនៅក្នុងប្រទេសរៀងៗ ខ្លួន។ ទាក់ទងនឹងការវិវត្តថ្មីៗនៅមីយ៉ាន់ម៉ា ឯកឧត្តម នាយឧត្តមសេនីយ៍ជាន់ខ្ពស់ មីន អោង ឡាំង បានជម្រាបជូន សម្តេចតេជោនាយករដ្ឋមន្ត្រី ថារដ្ឋាភិបាលមីយ៉ាន់ម៉ាបានប្រកាសបទឈប់បាញ់គ្នាជាមួយអង្គការ ប្រដាប់អាវុធជនជាតិភាគតិចទាំងអស់ ក្នុងរយៈពេល៥ខែ រហូតដល់ចុងខែកុម្ភៈ ឆ្នាំ២០២២ និងបាន សម្រេចពន្យារបទឈប់បាញ់គ្នាបន្ថែមទៀត រហូតដល់ចុងឆ្នាំ២០២២។ ឯកឧត្តមនាយឧត្តមសនីយ៍ជាន់ ខ្ពស់ ក៏បានអំពាវនាវដល់គ្រប់ភាគីពាក់ព័ន្ធទាំងអស់ឱ្យទទួលអនុវត្តន៍បទឈប់បាញ់គ្នា ដើម្បីផលប្រយោជន៍ ប្រទេសជាតិនិងប្រជាជន បញ្ឈប់រាល់អំពើហិង្សា និងប្រកាន់នូវភាពអត់ធ្មត់ខ្ពស់បំផុត ដែលទង្វើទាំងនេះ សម្តេចតេជោនាយករដ្ឋមន្ត្រី បានសម្តែងនូវការគាំទ្រយ៉ាងខ្លាំង ក្នុងគោលបំណងកាត់បន្ថយភាពតានតឹង និងបើកផ្លូវឱ្យមានកិច្ចសន្ទនាប្រកបដោយស្មារតីស្ថាបនា រវាងភាគីពាក់ព័ន្ធទាំងអស់ សំដៅឈានទៅសម្រេច បាននូវសន្តិភាពយូរអង្វែង និងការអភិវឌ្ឍជាតិ។ ក្នុងន័យនេះ ឯកឧត្តមនាយឧត្តមសេនីយ៍ជាន់ខ្ពស់ បានស្វាគមន៍ការចូលរួមរបស់ប្រេសិតពិសេស របស់ប្រធានអាស៊ាន ស្តីពីមីយ៉ាន់ម៉ា ដើម្បីចូលរួមក្នុងកិច្ចពិភាក្សា អំពីបទឈប់បាញ់ជាមួយអង្គការប្រដាប់អាវុធជនជាតិភាគតិច។ ជំហានដ៏សំខាន់នេះ ត្រូវបានចែងក្នុងកិច្ចព្រមព្រៀងជាឯកច្ឆន្ទប្រាំចំណុចរបស់អាស៊ាន។ ដើម្បីពង្រឹងប្រសិទ្ធភាពនៃការផ្តល់ជំនួយមនុស្សធម៌ដល់ប្រជាជនមីយ៉ាន់ម៉ា ជាពិសេសប្រជាជន ដែលកំពុងត្រូវការជំនួយបំផុត ថ្នាក់ដឹកនាំទាំងពីរបានគាំទ្រឱ្យមានកិច្ចប្រជុំរវាងភាគីពាក់ព័ន្ធ រួមមាន ប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា អគ្គលេខាធិការអាស៊ាន តំណាងមជ្ឈមណ្ឌលអាស៊ាន ដើម្បីសម្របសម្រួលជំនួយមនុស្សធម៌ និងគ្រប់គ្រងគ្រោះមហន្តរាយ (AHA Centre) និងក្រុមការងារថ្នាក់ ជាតិដើម្បីសម្របសម្រួលការផ្ដល់ជំនួយមនុស្សធម៌តាមរយៈមជ្ឈមណ្ឌលអាស៊ានដើម្បីសម្របសម្រួលជំនួយមនុស្សធម៌និងគ្រប់គ្រងគ្រោះមហន្តរាយ សង្គមកាកបាទក្រហមមីយ៉ាន់ម៉ា និងភ្នាក់ងារជំនាញរបស់អង្គការ សហប្រជាជាតិដែលពាក់ព័ន្ធ ភាគីទាំងពីរបានទទួលស្គាល់នូវសារៈសំខាន់យ៉ាងខ្លាំងក្នុងការបង្កើតឱ្យមានយន្តការ និងហេដ្ឋារចនាសម្ព័ន្ធសមស្រប ដើម្បីអនុវត្តន៍កម្មវិធីចាក់វ៉ាក់សាំងបង្ការជំងឺកូវីដ-១៩ ស្រប ជាមួយនឹងការផ្ដល់ជំនួយមនុស្សធម៌ឱ្យមានប្រសិទ្ធភាពដល់ប្រជាជនដែលត្រូវការបំផុត ដោយគ្មានការរើសអើង ដោយហេតុថា គ្មានអ្វីដែលសំខាន់ជាងការជួយសង្គ្រោះជីវិតមនុស្សនោះឡើយ។ ឯកឧត្តម នាយឧត្តមសេនីយ៍ជាន់ខ្ពស់ មីន អោង ឡាំង បានអបអរសាទរចំពោះកម្ពុជា ដែលបានចូលកាន់តួនាទីជាប្រធានអាស៊ាន ឆ្នាំ២០២២ និងស្វាគមន៍ចំពោះការតែងតាំង ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ ជាប្រេសិតពិសេសរបស់ប្រធាន អាស៊ានស្ដីពីមីយ៉ាន់ម៉ា និងបានសន្យាផ្ដល់ការគាំទ្រដល់ប្រេសិតពិសេសដើម្បីបំពេញតួនាទីរបស់ខ្លួន ក្នុង ការអនុវត្តកិច្ចព្រមព្រៀងជាឯកច្ឆន្ទប្រាំចំណុច ស្របតាមធម្មនុញ្ញអាស៊ាន។ ឯកឧត្តមនាយឧត្តមសេនីយ៍ ជាន់ខ្ពស់ ក៏បានសង្កត់ធ្ងន់ថា ការអនុវត្តកិច្ចព្រមព្រៀងជាឯកច្ឆន្ធប្រាំចំណុច គួរតែជាការបំពេញបន្ថែម ដើម្បីសម្រេចបានផែនទីបង្ហាញផ្លូវប្រាំចំណុចរបស់ក្រុមប្រឹក្សារដ្ឋបាលរដ្ឋ។ សម្តេចតេជោនាយករដ្ឋមន្ត្រី បានចែករំលែកអំពីភាពជោគជ័យនៃគោលនយោបាយឈ្នះ-ឈ្នះ របស់កម្ពុជា ដែលសម្រេចបាននូវការផ្សះផ្សាជាតិ សន្តិភាពយូរអង្វែង ស្ថិរភាព ការអភិវឌ្ឍ និងវិបុលភាព។ សម្តេចតេជោ ក៏បានសង្កត់ធ្ងន់ថា តាមបទពិសោធន៍ និងមេរៀនដែលកម្ពុជាទទួលបានពីដំណើរការសន្តិភាព,សន្តិភាពពេញលេញ និងការបង្រួបបង្រួមជាតិមិនអាចសម្រេចបានទេ ប្រសិនបើគ្មានការចូលរួម និងការព្រមព្រៀងគ្នាពីគ្រប់ភាគីពាក់ព័ន្ធទាំងអស់។ ក្នុងស្មារតីនេះដែរ ឯកឧត្តមនាយឧត្តមសេនីយ៍ជាន់ខ្ពស់ បានធានា ការសម្របសម្រួលដំណើរទស្សនកិច្ចរបស់ប្រេសិតពិសេសនៅមីយ៉ាន់ម៉ា និងការជួបជាមួយនឹងភាគីពាក់ ព័ន្ធទាំងអស់ រួមទាំងអង្គការប្រដាប់អាវុធជនជាតិភាគតិច ដោយពិចារណាទៅលើស្ថានការណ៍ជាក់ស្តែង នៅមីយ៉ាន់ម៉ា។ ភាគីទាំងពីរក៏បានផ្លាស់ប្តូរទស្សនៈអំពីកិច្ចសហប្រតិបត្តិការទ្វេភាគី ដើម្បីពង្រឹងបន្ថែមទៀតនូវ ទំនាក់ទំនងមិត្តភាពដែលមានស្រាប់រវាងប្រជាជនទាំងពីរ ជាពិសេសក្នុងបរិបទនៃវិបត្តិសុខភាពពិភពលោក។ ឯកឧត្តមនាយឧត្តមសេនីយ៍ជាន់ខ្ពស់ មីន អោង ឡាំង បានថ្លែងអំណរគុណយ៉ាងជ្រាលជ្រៅចំពោះរាជរដ្ឋ ភិបាល និងប្រជាជនកម្ពុជា សម្រាប់ជំនួយបន្ថែមទៀត រួមមាន ម៉ាស់ចំនួន ៣ ២០០ ០០០ ឯកសណ្ឋាន ការពារ (PPE) ចំនួន ៣០ ០០០ ម៉ាស៊ីនជំនួយការដកដង្ហើម ចំនួន ៥០ គ្រឿង ឧបករណ៍តាមដានអ្នក ជំងឺ ចំនួន ៥០គ្រឿង ឧបករណ៍ផលិតអុកស៊ីហ្សែន ចំនួន ៥០ គ្រឿង និងសម្ភារ បរិក្ខារពេទ្យមួយចំនួន ទៀត ដើម្បីជួយមីយ៉ាន់ម៉ាក្នុងការប្រយុទ្ធប្រឆាំងនឹងជំងឺងឺរាតត្បាតកូវីដ-១៩។

គួរបញ្ជាក់ដែរថា តបតាមការអញ្ជើញរបស់ ឯកឧត្តម នាយឧត្តមសេនីយ៍ជាន់ខ្ពស់ មីន អោង ឡាំង ប្រធានក្រុមប្រឹក្សា រដ្ឋបាលរដ្ឋនិងជានាយករដ្ឋមន្ត្រី នៃសាធារណរដ្ឋសហភាពមីយ៉ាន់ម៉ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់ទៅ បំពេញទស្សនកិច្ចការងារនៅសាធារណរដ្ឋសហភាពមីយ៉ាន់ម៉ា ពីថ្ងៃទី០៧ និងថ្ងៃទី០៨ ខែមករា ឆ្នាំ២០២២៕ដោយ ជឹម ណារី សម្រួលផ្សាយដោយ៖ ដារា


" សូមអានបន្ត " ចេញផ្សាយថ្ងៃ: January 08, 2022