អ្នកនិពន្ឋ:

ចំនួនអ្នកទស្សនា: Views

 


 ភ្នំពេញ: ថ្ងៃទី០៣ ខែកក្កដា ឆ្នាំ២០២១ 

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អនុញ្ញាតឱ្យ ឯកឧត្តម វ៉ូ ក្វាងមិញ (Vu Quang Minh) ឯកអគ្គរដ្ឋទូតសាធារណរដ្ឋសង្គមនិយមវៀតណាម ចប់អាណត្តិប្រចាំកម្ពុជា ចូលជួបសម្តែងការគួរសម និងជម្រាបលា នាព្រឹកថ្ងៃទី០៣ ខែកក្កដា ឆ្នាំ២០២១ នៅវិមានសន្តិភាព រាជធានីភ្នំពេញ ។

រូបថត៖ ទំព័រហ្វេសប៊ុកសម្តេចតេជោ

" សូមអានបន្ត "

ចេញផ្សាយថ្ងៃ: July 03, 2021

អ្នកនិពន្ឋ:

ចំនួនអ្នកទស្សនា: Views

 


ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃកម្ពុជានឹងបន្តគិតគូរការ ចាក់វ៉ាក់សាំងការពារជំងឺកូវីដ១៩ ឲ្យក្មេងក្រោមអាយុ១៨ឆ្នាំ ក្រោយបញ្ចប់ការចាក់វ៉ាក់សាំងឲ្យប្រជាពលរដ្ឋ១០លាននាក់ដើម្បីបង្កើនភាពស៊ាំ ដល់ពលរដ្ឋនៅកម្ពុជា។

ថ្លែងក្នុងកិច្ចប្រជុំតាមប្រព័ន្ធអនឡាញជាមួយមន្ត្រីរដ្ឋាភិបាល ដោយមានការផ្សាយបន្តផ្ទាល់ នៅថ្ងៃទី១ កក្កដា សម្តេចតេជោហ៊ុន សែន នាយករដ្ឋមន្រ្តី បានមានប្រសាសន៍ថា យុទ្ធសាស្ដ្រចាក់វ៉ាក់សាំងត្រូវតែរកវ៉ាក់សាំងចាក់ឲ្យប្រជាពលរដ្ឋ ១០លាននាក់ ជាជំហានដំបូង ដែលត្រូវបញ្ចប់ត្រឹមខែវិច្ឆិកា ឆ្នាំ២០២១ បន្ទាប់មក នឹងបន្ដគិតការចាក់សម្រាប់ក្មេង អាយុក្រោម១៨ឆ្នាំ។

សម្ដេចតេជោបានបន្ថែមថា វ៉ាក់សាំងជាង២០លានដូស នឹងមកអស់នាចុងខែសីហា ដូច្នេះក្រសួងសុខាភិបាលជំរុញចាក់វ៉ាក់សាំងឲ្យចប់សព្វគ្រប់ត្រឹមខែវិច្ឆិកា ឆ្នាំ២០២១ ក្នុងចំណោមប្រជាពលរដ្ឋ១០លាននាក់ ។

សំឡេង៖ «យុទ្ធសាស្ត្រវ៉ាក់សាំង ត្រូវរកវ៉ាក់សាំងឲ្យប្រជាជន ១០លាននាក់ នឹងបន្តទៅគិតទៅដល់ការចាក់ដល់កូនក្មេង អាយុក្រោម១៨ឆ្នាំ ។ វ៉ាក់សាំងមកដល់ត្រូវប្រមូលផ្តុំកម្លាំងចាក់ ឲ្យបានឆាប់ បើមកដល់ខែ៨ខ្ញុំគិតថាខែ១១វានឹងចប់ហើយ ។ ៥លានដូសមក បញ្ជូនទៅខេត្តឲ្យចាក់ មុនទៅនិងយុទ្ធនាការពេទ្យទាហាននិងពេទ្យស្ម័គ្រចិត្ត ចុះទៅជួយ ខែ១១យើងនឹងអាចចាក់ចប់។ បន្ទាប់ទៅយើងនឹងបន្តគិតគូរក្មេងពីអាយុ១៣ឆ្នាំទៅ ១៧ឆ្នាំសិន អ៊ីចឹងទេវ៉ាក់សាំងស៊ីណូហ្វាម និងស៊ីណូវ៉ាក់សុពលភាព២ឆ្នាំ ។ឥឡូវយើងរុញ ពេលមកដល់ភ្លាម រុញភ្លាម ឲ្យរៀបចំផែនការ បើសិនជាដូចនូវអ្វីកំណត់ ថ្ងៃទី១០មក៤លានដូស បានសេចក្តីថារុញវ៉ាក់សាំងទៅឱ្យក្រុមគ្រូពេទ្យចាក់ ។ អរគុណប្រជាពលរដ្ឋដែលបានចូលរួម ក្នុងកិច្ចការទាំងអស់ អរគុណចំពោះកិច្ចខិតខំប្រឹងប្រែងអាជ្ញាធរថ្នាក់ក្រោមជាតិ លើកនេះ ជោគជ័យសំខាន់ គឺអាជ្ញាធរថ្នាក់ក្រោមជាតិ »៕

" សូមអានបន្ត "

ចេញផ្សាយថ្ងៃ: July 02, 2021

អ្នកនិពន្ឋ:

ចំនួនអ្នកទស្សនា: Views

 



កណ្តាល: ថ្ងៃទី០១ ខែកក្កដា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញថ្លែងសារ ពិសេសដោះស្រាយបញ្ហាជំងឺកូវីដ-១៩ ដែលកំពុងរីករាលដាលនៅកម្ពុជា ខណៈអញ្ជើញជាអធិបតីកិច្ចប្រជុំ គណៈកម្មការជាតិប្រឆាំងកូវីដ-១៩ តាមរយៈប្រព័ន្ធវីដេអូ ពីក្រុងតាខ្មៅ ខេត្តកណ្តាល នាព្រឹកថ្ងៃទី០១ ខែកក្កដា ឆ្នាំ២០២១ ។


" សូមអានបន្ត "

ចេញផ្សាយថ្ងៃ: July 01, 2021

អ្នកនិពន្ឋ:

ចំនួនអ្នកទស្សនា: Views

 


ព្រះសីហនុ: ថ្ងៃទី៣០ ខែមិថុនា ឆ្នាំ២០២១ ឯកឧត្តម គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ អញ្ជើញទទួលអំណោយមនុស្សធម៌ពីលោកឧកញ៉ា មន្ត្រីរាជការ និងសប្បុរសជន ដើម្បីចូលរួមអបអរសាទរខួបទី១៥៨ ទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ឆ្នាំ២០២១ ក្រោមប្រធានបទ "ទាំងអស់គ្នារួមជាមួយកាកបាទ ក្រហមកម្ពុជា ប្រយុទ្ធប្រឆាំងនឹងជំងឺកូវីដ-១៩ និងកសាងធនធានរបស់សង្គម" ដើម្បីយក មកប្រើប្រាស់បម្រើសកម្មភាពមនុស្សធម៌ជួយប្រជាពលរដ្ឋរងគ្រោះ ដែលជួបការលំបាក ដោយគ្រោះធម្មជាតិ និងគ្រោះមហន្តរាយផ្សេងៗ នាព្រឹកថ្ងៃពុធ ៦រោច ខែបឋមាសាឍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី៣០ ខែមិថុនា ឆ្នាំ២០២១ នៅស្នាក់ការសាខាកាក បាទក្រហមកម្ពុជាខេត្តព្រះសីហនុ ស្ថិតនៅសង្កាត់លេខ៣ ក្នុងក្រុងព្រះសីហនុ។

ឯកឧត្ដម គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ មានប្រសាសន៍ថ្លែងអំណរគុណចំពោះលោកឧកញ៉ា ទៀ វិចិត្រ ដែលបាន ចូលរួមសកម្មភាពការងារសង្គមជាមួយរដ្ឋបាលខេត្តព្រះសីហនុ និងលោកឧកញ៉ា ឯកឧត្តម លោកជំទាវ ម្ចាស់ក្រុមហ៊ុន សហគ្រាស និងបងប្អូនសប្បុរសជនដែលបាននាំយកថវិកា ឧបត្ថម្ភដល់សាខាកាកបាទក្រហមកម្ពុជាខេត្តព្រះសីហនុ ដើម្បីឱ្យសាខាមានថវិកា សម្ភារ និងធនធាន ដើម្បីយកមកបម្រើសកម្មភាពមនុស្សធម៌ចែកជូនបងប្អូនប្រជាពលរដ្ឋ ដែលជួប ការលំបាកដោយ សារគ្រោះធម្មជាតិ និងគ្រោះមហន្តរាយផ្សេងៗ ពិសេសប្រជាពលរដ្ឋដែល កំពុងខ្វះខាតស្បៀងក្នុងអំឡុងជំងឺរាតត្បាតកូវីដ-១៩ ក្នុងខេត្តព្រះសីហនុ ដោយមិនប្រកាន់ វណ្ណៈ ពណ៌សម្បុរ ជាតិសាសន៍ ឬនិន្នាការនយោបាយ គឺធ្វើយ៉ាងណាយើង ជួយប្រជាពលរដ្ឋ ឱ្យបានទាន់ពេលវេលា មិនទុកឱ្យប្រជាពលរដ្ឋយើងណាម្នាក់ខ្វះខាត ស្បៀងស្លាប់។

ឯកឧត្តមប្រធានគណៈកម្មាធិការសាខាកាកបាទក្រហមកម្ពុជាខេត្តព្រះសីហនុ ក៏បាន អំពាវនាវដល់លោកឧកញ៉ា ឯកឧត្តម លោកជំទាវ លោក លោកស្រី និងបងប្អូនសប្បុរស ជនទាំងអស់បន្ត ជួយឧបត្ថម្ភគាំទ្រដល់សាខាកាកបាទក្រហមកម្ពុជាខេត្តព្រះសីហនុ របស់ យើងបន្តទៀត ដើម្បីឱ្យសាខាមានធនធានថវិកា សម្ភារដើម្បីយកមកធ្វើការចែក ជូនដល់ប្រជាពលរដ្ឋរងគ្រោះ ដោយគ្រោះមហន្តរាយ និងប្រជាពលរដ្ឋខ្វះ ខាតស្បៀងក្នុង អំឡុងការប្រយុទ្ធប្រឆាំងនឹងជំងឺកូវីដ-១៩នៅក្នុងខេត្តព្រះសីហនុ បានទាន់ពេលវេលា។

ឯកឧត្តមប្រធានគណៈកម្មាធិការសាខាកាកបាទក្រហមកម្ពុជាខេត្តព្រះសីហនុ បាន បញ្ជាក់ថា យើងពិនិត្យឃើញថា ក្នុងយុទ្ធនាការប្រយុទ្ធប្រឆាំងជំងឺកូវីដ-១៩ ក្រុមគ្រូពេទ្យរបស់ យើងអនុវត្តន៍បានយ៉ាងត្រឹមត្រូវ ដោយការអនុវត្តវិធានការសុខាភិបាល និងវិធានការ ៣.ការពារ និង ៣.កុំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា គឺទប់ស្កាត់ការឆ្លងជំងឺកូវីដ១៩បាន ហើយការរក្សាគម្លាតសុវត្ថិភាព ធ្វើអនាម័យ និងពាក់ម៉ាសគឺជាអាវក្រោះទី១, ការចាក់វ៉ាក់សាំងជាអាវក្រោះទី២។ ទន្ទឹមនោះ យើងក៏បានធ្វើកិច្ចការពីរបន្ថែមទៀតគឺ៖ ទី១.មន្ទីរពិសោធន៍វិភាគរកមេរោគកូវីដ-១៩ និងទី២.យើងមានម៉ាស៊ីនផលិតអុកស៊ីសែន ដោយមិនចាំបាច់ឡើងទៅដឹកអុកស៊ីសែន មកពីរាជធានីភ្នំពេញ។

សូមបញ្ជាក់ថា អំណោយដែលបានប្រគល់ជូនសាខាកាកបាទក្រហមកម្ពុជាខេត្ត មានដូចជា៖ ១.លោកឧកញ៉ា ទៀ វិចិត្រ អនុប្រធានកិត្តិយសសាខា និងលោកជំទាវ ឧបត្ថម្ភថវិកាចំនួន ២០.០០០ដុល្លារអាម៉េរិក, ២.លោកឧកញ៉ា ស៊ុន រី អនុប្រធាន កិត្តិយសសាខា និងលោកជំទាវ ឧបត្ថម្ភថវិកា ៣.៥០០ដុល្លារអាម៉េរិក, ៣.លោកឧញ៉ា គុយ ណាត អនុប្រធានកិត្តិយសសាខា និងលោកជំទាវ ឧបត្ថម្ភថវិកា ៣.៥០០ដុល្លារអាម៉េរិក, ៤.លោកឧកញ៉ា តាន់ តាក់ អនុប្រធានកិត្តិយសសាខា និងលោកជំទាវ ឧបត្ថម្ភថវិកា ៥.០០០ដុល្លារអាម៉េរិក, ៥. លោក លៀម សុដា អភិបាលរងខេត្ត ជាអនុប្រធានកិត្តិយសសាខា ឧបត្ថម្ភថវិកាចំនួន ១.០០០.០០០រៀល, ៦.លោក ឆាយ សុគន្ធដា អភិបាលស្រុកស្ទឹងហាវ ឧបត្ថម្ភថវិកាចំនួន ២០០.០០០រៀល និង ៥០០ដុល្លារអាម៉េរិក, ៧.អនុសាខាកាកបាទក្រហមកម្ពុជា ស្រុកស្ទឹងហាវ ឧបត្ថម្ភថវិកា ៥.៥៨៣.០០០រៀល និង២.១០០ដុល្លារអាម៉េរិក, ៨.លោក ឌុំ នឿន អាហារដ្ឋាន អង្គរប៊ិច អូឈើទាល ឧបត្ថម្ភថវិកា ១.០០០ដុល្លារអាម៉េរិក៕ ដោយ ងូ សុមុនី


" សូមអានបន្ត "

ចេញផ្សាយថ្ងៃ: June 30, 2021

អ្នកនិពន្ឋ:

ចំនួនអ្នកទស្សនា: Views

 


ភ្នំពេញ: ថ្ងៃទី៣០ ខែមិថុនា ឆ្នាំ២០២១ អគ្គនាយកដ្ឋានគយនិងរដ្ឋាករកម្ពុជានៃក្រសួងសេដ្ឋកិច្ចនិងហិរញ្ញវត្ថុបានរៀបចំប្រារព្ធពិធី អបអរសាទរខួបអនុស្សាវរីយ៍លើកទី៧០ ថ្ងៃបង្កើតរដ្ឋបាលគយកម្ពុជា (២៩ មិថុនា ១៩៥១-២៩ មិថុនា ២០២១) ដែលបានបង្ហាញនូវសមិទ្ធផលសំខាន់ៗដែលអគ្គនាយកដ្ឋានគយសម្រេចបាន តាមរយៈការដាក់ចេញ និងការអនុវត្តប្រកបដោយប្រសិទ្ធភាពនៃយុទ្ធសាស្ត្រកំណែទម្រង់ និងទំនើបកម្មគយក្នុងរយៈពេល៧០ឆ្នាំកន្លងមកនេះ។ ពិធីនេះ បានធ្វើឡើងនៅទីចាត់ការកណ្តាល និងនៅគ្រប់អង្គភាពគយនិងរដ្ឋាករទូទាំងប្រទេស តាមរយៈប្រព័ន្ធវីដេអូ កាលពីថ្ងៃអង្គារ ០៥រោច ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៩ ខែមិថុនា ឆ្នាំ២០២១។

ការរៀបចំប្រារព្ធពិធីអបអរសាទរខួបអនុស្សាវរីយ៍លើកទី៧០នេះ គឺដើម្បីរម្លឹកនូវគុណូបការៈដ៏ឧត្តុង្គឧត្តមរបស់ ព្រះករុណា ព្រះមហាវីរក្សត្រ ព្រះបាទសម្តេច ព្រះនរោត្តមសីហនុ “ព្រះបរមរតនកោដ្ឋ” ដែលព្រះអង្គ បានបង្កើតរដ្ឋបាលគយកម្ពុជា បំបែកចេញពីសហភាពគយឥណ្ឌូចិន ក្នុងសម័យអាណានិគមបារាំង តាមព្រះរាជក្រមលេខ ៦៦១ នស ចុះថ្ងៃទី២៩ ខែមិថុនា ឆ្នាំ១៩៥១ កាលពី៧០ ឆ្នាំមុន។

ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានគយនិងរដ្ឋាករកម្ពុជាបានលើកឡើងនូវសមិទ្ធផលសំខាន់ៗដែលអគ្គ នាយកដ្ឋានគយនិងរដ្ឋាករកម្ពុជា សម្រេចបាននាពេលថ្មីៗនេះ តាមរយៈការដាក់ចេញ និង ការអនុវត្តប្រកបដោយប្រសិទ្ធភាពនៃយុទ្ធសាស្ត្រកំណែទម្រង់ និងទំនើបកម្មគយ, យុទ្ធ សាស្រ្តអនុលោមភាពនិងការអនុវត្តច្បាប់, យុទ្ធសាស្រ្តបច្ចេកវិទ្យាគមនាគមន៍ និងព័ត៌មាន, ផែនការសកម្មភាពប្រចាំឆ្នាំ និងការកែលម្អលិខិតបទដ្ឋានគតិយុត្តិ ស្របតាមការវិវត្តនៃនយោបាយ សេដ្ឋកិច្ច សង្គម ប្រព័ន្ធបច្ចេកវិទ្យា បរិយាកាសធុរកិច្ច និងការអនុវត្តល្អជាអន្តរជាតិ។ ឯកឧត្តមរដ្ឋមន្ត្រីប្រតិភូក៏បានរម្លឹកនូវគុណបំណាច់របស់មន្ត្រីគយជំនាន់មុនៗ ដែលបានបន្សល់ទុកនូវកេរ្តិ៍ដំណែលដ៏ថ្លៃថ្លា ជាដើមទុនសម្រាប់រដ្ឋបាលគយកម្ពុជា ក្នុងការអភិវឌ្ឍខ្លួនបានរីកចម្រើនដូចពេលបច្ចុប្បន្ននេះ។

ជាមួយគ្នានេះដែរ ថ្វីត្បិតមិនបានអញ្ជើញចូលរួមដោយផ្ទាល់ ដោយសារស្ថានភាពនៃការរីករាលដាលជំងឺកូវីដ-១៩ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏បានសម្តែងនូវអំណរសាទរយ៉ាងកក់ក្តៅ តាមរយៈសារលិខិតជូនពរដល់មន្ត្រីគយ និងរដ្ឋាករទាំងអស់ ប្រកបដោយ អត្ថន័យដ៏ជ្រាលជ្រៅ។

ក្នុងសារលិខិតរបស់ឯកឧត្តមអគ្គបណ្ឌិតសភាចារ្យ ឧបនាយកររដ្ឋមន្ត្រី អូន ព័ន្ធមុនីរ័ត្ន បានថ្លែងកោតសរសើរចំពោះកិច្ចខិតខំប្រឹងប្រែងនិងស្មារតីលះបង់របស់ មន្ត្រីគយ និងរដ្ឋាករគ្រប់ជាន់ថ្នាក់ លើគ្រប់ការដ្ឋានការងារ ដូចជាកិច្ចសម្រួលពាណិជ្ជកម្ម, ការធ្វើទំនើបកម្មនិងសាមញ្ញកម្ម នីតិវិធីគយតាមរយៈប្រព័ន្ធបច្ចេកវិទ្យាព័ត៌មាន, ការបង្ការនិងបង្ក្រាបអំពើរត់គេចពន្ធ និងការងារប្រមូលចំណូល ដែលទាំងអស់នេះបានរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចជាតិ លើកកម្ពស់ឧត្តមភាពប្រកួតប្រជែង និងការធ្វើសមាហរណកម្មសេដ្ឋកិច្ចកម្ពុជាទៅនក្នុងតំបន់ និងពិភពលោក។

ឯកឧត្តមអគ្គបណ្ឌិតសភាចារ្យ ក៏បានគូសរំលេចផងដែរនូវសូចនាករកំណើនសេដ្ឋកិច្ចដ៏ល្អប្រសើររបស់កម្ពុជា ក្នុងអំឡុងប៉ុន្មានទសវត្សចុងក្រោយនេះ ដែលឆ្លុះបញ្ចាំងភាពជោគជ័យនៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ និងយុទ្ធសាស្ត្រចតុកោណរបស់រាជរដ្ឋាភិបាល ក្នុង បរិបទស្ថិរភាពនយោបាយ សុខសន្តិភាពពេញលេញ ដែលជាលទ្ធផលនៃគោលនយោ បាយ “ឈ្នះ-ឈ្នះ” របស់ សម្តេចតេជោនាយករដ្ឋមន្ត្រី។

ក្នុងឱកាសនោះ សម្ដេចតេជោនាយករដ្ឋមន្រ្ដីបានសម្តែងនូវកតញ្ញូតាធម៌ដ៏ជ្រាលជ្រៅបំផុត ចំពោះ ព្រះរាជបូជនិយកិច្ចដ៏ឧត្ដុង្គឧត្ដមរបស់ ព្រះករុណា ព្រះមហាវីរក្សត្រ “ព្រះបរមរតនកោដ្ឋ” ក្នុងការទាមទារឯករាជ្យជូនជាតិ និងបង្កើតរដ្ឋបាលគយកម្ពុជាកាល ពី៧០ឆ្នាំមុន។

សម្តេចតេជោនាយករដ្ឋមន្ត្រី ក៏បានធ្វើការវាយតម្លៃខ្ពស់ចំពោះការ ខិតខំ ប្រឹងប្រែងរបស់ក្រសួងសេដ្ឋកិច្ចនិងហិរញ្ញវត្ថុ និងអគ្គនាយកដ្ឋានគយនិងរដ្ឋាករកម្ពុជា ក្នុង ការអនុវត្តតួនាទី និងភារកិច្ច របស់ខ្លួនប្រកបដោយប្រសិទ្ធភាព លើការកៀរគរចំណូល និងការកែលម្អបរិយាកាសធុរកិច្ចប្រកបដោយសមធម៌ ព្រមទាំងយកចិត្តទុកដាក់អនុវត្តន៍ គោលនយោបាយនិងយុទ្ធសាស្រ្តនានារបស់រាជរដ្ឋាភិបាល រហូតសម្រេចបាននូវផ្លែផ្កាល្អ ប្រសើរជាបន្តបន្ទាប់។ ទន្ទឹមនេះ សម្តេចតេជោបានសម្តែងនូវអំណរគុណចំពោះទឹកចិត្តសប្បុរសរបស់មន្ត្រីគយនិងរដ្ឋាករគ្រប់រូប ដែលបានចូលរួមជាមួយរាជរដ្ឋាភិបាល ក្នុងការ គាំទ្រសកម្មភាពប្រយុទ្ធប្រឆាំងជំងឺកូវីដ-១៩ និងការទិញវ៉ាក់សាំងចាក់ជូនប្រជាពលរដ្ឋ ដោយឥតគិតថ្លៃ ព្រមទាំងសកម្មភាពមនុស្សធម៌នានា នាពេលកន្លងមក។

សម្តេចតេជោនាយករដ្ឋមន្ត្រី ក៏បានលើកទឹកចិត្តដល់ក្រសួងសេដ្ឋកិច្ចនិងហិរញ្ញវត្ថុ ជាពិសេសអគ្គ នាយកដ្ឋានគយនិងរដ្ឋាករកម្ពុជា ឱ្យបន្តខិតខំប្រឹងប្រែងបន្ថែមទៀត ក្នុងការបំពេញបេស កកម្មរបស់ខ្លួនឱ្យទទួលបានជោគជ័យថ្មីៗ ក្នុងការប្រមូលចំណូលជូនរដ្ឋ ការលើកកម្ពស់ ភាពប្រកួតប្រជែងកម្ពុជា និងការធានាបាននូវកិច្ចសម្រួលពាណិជ្ជកម្ម ជាពិសេសនៅក្នុងកាលៈទេសៈដ៏លំបាកនៃការឆ្លងរីករាលដាលជំងឺកូវីដ-១៩នេះ៕

  ប្រភព៖ អគ្គនាយកដ្ឋានគយ សម្រួលផ្សាយ៖គេហទំព័រ និសិត្សខ្មែរ

" សូមអានបន្ត "

ចេញផ្សាយថ្ងៃ: June 30, 2021

អ្នកនិពន្ឋ:

ចំនួនអ្នកទស្សនា: Views

 


គណៈកម្មាធិការជាតិរៀបចំការ បោះឆ្នោត ហៅកាត់ថា គ.ជ.ប នៅព្រឹកថ្ងៃទី៣០ ខែមិថុនានេះ បានប្រកាសឯកឧត្តម ប្រាជ្ញ ចន្ទ ឡើងកាន់តំណែងប្រធាន គ.ជ.ប ជាផ្លូវការ បន្ទាប់ពីព្រះមហាក្សត្របញ្ចប់មុខតំណែងឯកឧត្តម ស៊ិក ប៊ុនហុក និងចេញព្រះរាជក្រឹត្យតែងតាំង ឯកឧត្តម ប្រាជ្ញ ចន្ទ ជាប្រធាន គ.ជ.ប ក្រោយពីសភាបានបោះឆ្នោតផ្តល់សេចក្តីទុកចិត្ត។

ពិធីប្រកាសចូលកាន់តំណែងនេះ ធ្វើឡើងក្រោមវត្តមានសម្តេចចៅហ្វាវាំងវរវៀងជ័យអធិបតីស្រីង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីព្រះបរមរាជវាំង តំណាងដ៏ខ្ពង់ខ្ពស់ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា។

ថ្លែងក្នុងពិធីប្រកាសចូលកាន់តំណែងនេះ ឯកឧត្តម ប្រាជ្ញ ចន្ទ បានប្តេជ្ញា នឹងខិតខំប្រឹងប្រែង យកអស់ពីកម្លាំងកាយ ចិត្ត ប្រាជ្ញា ស្មារតី រៀបចំចាត់ចែង និងគ្រប់គ្រងស្ថាប័នគ.ជ.ប រចនាសម្ព័ន្ធចំណុះ និងកិច្ចការបោះឆ្នោតឱ្យបានកាន់តែល្អប្រសើរឡើង ស្របតាមច្បាប់បទបញ្ជា និងនីតិវិធីជាធរមាន ដើម្បីឱ្យការបោះឆ្នោតនីមួយៗ ប្រព្រឹត្តទៅដោយសេរី ត្រឹមត្រូវ យុត្តិធម៌ សំដៅបង្កើនការជឿទុកចិត្តពីសំណាក់ភាគីពាក់ព័ន្ធ។ ជាមួយគ្នានេះ ក៏បានសំណូមពរ និងលើកទឹកចិត្តដល់ថ្នាក់ដឹកនាំ និងមន្ត្រីបោះឆ្នោតគ្រប់លំដាប់ថ្នាក់ ដែលជាប្រតិបត្តិករយ៉ាងសំខាន់ រួបរួមគ្នា ពង្រឹងសាមគ្គីភាព កិច្ចសហប្រតិបត្តិការជិតស្និទ្ធ បន្តយកចិត្តទុកដាក់អនុវត្តតួនាទីភារកិច្ច ក្នុងការងារបោះឆ្នោតឱ្យបានល្អប្រសើរ ប្រកបដោយស្មារតី ទទួលខុសត្រូវខ្ពស់ ក៏ដូចជាអំពាវនាវដល់គ្រប់ភាគីពាក់ព័ន្ធទាំងជាតិ និងអន្តរជាតិ បន្តកិច្ចសហការជាមួយ គ.ជ.ប ទៅតាមតួនាទី និងភារកិច្ចរបស់ខ្លួន ស្របតាមការកំណត់នៃច្បាប់ បទបញ្ជា និងនីតិវិធី រួមទាំងឯកសារគតិយុត្តនានា ដែលបានដាក់ចេញជាធរមាន សំដៅរួមចំណែកលើកកម្ពស់ការអនុវត្តន៍គោលការណ៍នៃលទ្ធិប្រជាធិបតេយ្យសេរី ពហុបក្ស។

សូមបញ្ជាក់ថា ឯកឧត្តម ប្រាជ្ញ ចន្ទ គឺជាបុគ្គលទី៤ហើយដែលឡើងកាន់តំណែងជាប្រធានគ.ជ.ប ។ ចាប់តាំងពីឆ្នាំ១៩៩៨ រហូតមកដល់បច្ចុប្បន្ន កម្ពុជាបានរៀបចំការបោះឆ្នោតដោយខ្លួនឯង ដោយមានការចូលរួម និងកិច្ចសហការគាំទ្រពីភាគីពាក់ព័ន្ធជាតិ និងអន្តរជាតិ៕


" សូមអានបន្ត "

ចេញផ្សាយថ្ងៃ: June 30, 2021

អ្នកនិពន្ឋ:

ចំនួនអ្នកទស្សនា: Views

 


ភ្នំពេញ : ថ្ងៃទី២៩ ខែមិថុនា ឆ្នាំ២០២១ ប្រជាពលរដ្ឋដែលរស់នៅក្នុងរាជធានីភ្នំពេញ បានបន្ដមកទទួលការចាក់វäក់សាំងលើកទី១ រយៈពេលពីរថ្ងៃមានជិត២ម៉ឺននាក់ហើយ ចាប់ពីថ្ងៃទី២៧ ខែមិថុនា និងនៅព្រឹកថ្ងៃទី២៨ ខែមិថុនា ឆ្នាំ២០២១ ក្រោយពីអាជ្ញាធររាជធានីភ្នំពេញ បានចេញសេចក្តីជូនដំណឹងកាលថ្ងៃទី២៥ ខែមិថុនា ឆ្នាំ២០២១ ស្តីពីកាលបរិច្ឆេទចុងក្រោយ នៃការចាក់វ៉ាក់សាំងជូនប្រជាពលរដ្ឋ នៅភូមិសាស្ត្ររាជធានីភ្នំពេញ ដោយចាប់ផ្តើមពីថ្ងៃ២៧ខែមិថុនា ដល់ថ្ងៃ០៨ ខែកក្កដា ឆ្នាំ២០២១ ។

ឯកឧត្តម ឃួង ស្រេង អភិបាលរាជធានីភ្នំពេញ និងជាអនុប្រធានគណៈកម្មការចំពោះកិច្ច ចាក់វ៉ាក់សាំងកូវីដ-១៩ តែងតែបានចុះធ្វើការត្រួតពិនិត្យទីតាំងចាក់វ៉ាក់សាំងជារឿយៗ និងបានជំរុញឱ្យក្រុមការងារ ក្រុមគ្រូពេទ្យ និងអាជ្ញាធរដែនដី សម្រុកចាក់វ៉ាក់សាំងនេះឱ្យបានលឿន និងបានគ្រប់គ្នាសម្រាប់អ្នករស់នៅរាជធានីភ្នំពេញ យ៉ាងយូរបំផុតក្នុងអំឡុងខែមិថុនា ឆ្នាំ២០២១ ស្របតាមការកំណត់របស់រាជរដ្ឋាភិបាល ដើម្បីកាត់ផ្តាច់ឱ្យបាននូវការឆ្លងរីករាលដាលជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ។

ប្រជាពលរដ្ឋនៅខណ្ឌច្បារអំពៅ ដែលបានមកចាក់វ៉ាក់សាំងប្រឆាំងកូវីដ-១៩ បាន ឱ្យដឹងថា ចំពោះការយឺតយ៉ាវ និងបានមកទទួលការចាក់វ៉ាក់សាំងនេះ ដោយសារតែនៅពេលអាជ្ញាធរអញ្ជើញឱ្យពួកគាត់មកចាក់នោះ ពួកគាត់មានជំងឺ និងមួយចំនួនទៀតជាប់ទៅស្រុកកំណើត ទើបអាក់ខានមិនបានមកទទួលការចាក់វ៉ាក់សាំងនេះ ។ ពួកគាត់ពិតជាអរគុណ ចំពោះអាជ្ញាធររាជធានីភ្នំពេញ ដែលបានពន្យារពេលការចាក់វ៉ាក់សាំង ចំពោះពួកគាត់ដែលមិនទាន់បានមកចាក់នាពេលកន្លងមក បានចាក់នៅពេលនេះ។

មន្ត្រីរដ្ឋបាលរាជធានីភ្នំពេញ បានឱ្យដឹងថា ចំពោះប្រជាពលរដ្ឋដែលមិនបានទទួល ការចាក់វ៉ាក់សាំងប្រឆាំងកូវីដ-១៩ នៅក្នុង១៣ខណ្ឌក្នុងរាជធានីភ្នំពេញ មានចំនួនសរុប ១៩.៣៩៩នាក់ ក្នុងនោះនៅខណ្ឌកំបូល នៅសល់ចំនួន ៩៨៧នាក់, ខណ្ឌពោធិ៍សែនជ័យ នៅសល់ចំនួន ៤.៩៨០នាក់, ខណ្ឌទួលគោក នៅសល់ចំនួន ១.២៩៧នាក់, ខណ្ឌ៧មករា នៅសល់ចំនួន ៧៥៥នាក់, ខណ្ឌដូនពេញ នៅសល់ចំនួន ៥២១នាក់ ខណ្ឌបឹងកេងកង នៅសល់ចំនួន ៧០២នាក់, ខណ្ឌចំការមន នៅសល់ចំនួន ២២២នាក់, ខណ្ឌដង្កោនៅសល់ចំនួន១.៨៨៧នាក់, ខណ្ឌជ្រោយចង្វា នៅសល់ចំនួន ២.៥៩០នាក់, ខណ្ឌឫស្សីកែវ នៅសល់ចំនួន៣០០នាក់, ខណ្ឌច្បារអំពៅ នៅសល់ចំនួន ១.៨៧៣នាក់, ខណ្ឌមានជ័យរួចរាល់អស់ហើយ, ខណ្ឌសែនសុខ នៅសល់ចំនួន ១.៧៦១នាក់, និងខណ្ឌព្រែកព្នៅ នៅសល់ចំនួន១.៥២៤នាក់។

សូមបញ្ជាក់ថា រដ្ឋបាលរាជធានីភ្នំពេញ កាលពីថ្ងៃទី២៥ ខែមិថុនា ឆ្នាំ២០២១ រដ្ឋបាលរាជធានី បានចេញសេចក្តីជូនដំណឹង ស្តីពីកាលបរិច្ឆេទចុងក្រោយ នៃការចាក់វ៉ាក់សាំងជូនប្រជាពលរដ្ឋ នៅភូមិសាស្ត្ររាជធានីភ្នំពេញ ដែលក្នុងសេចក្តីជូនដំណឹងនេះ បានបញ្ជាក់ថា ក្នុងក្របខ័ណ្ឌនៃយុទ្ធនាការជាតិចាក់វ៉ាក់សាំង ដោយអនុលោមតាមផែនការមេ សម្រាប់យុទ្ធ នាការចាក់វ៉ាក់សាំងបង្ការជំងឺកូវីដ-១៩ ដែលមានអនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ជាសេនាធិការ និងដែលមានកិច្ចសហការពីក្រុមគ្រូពេទ្យ នៃកងយោធពលខេមរភូមិន្ទ ក្រសួងការពារជាតិ ក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) ក្រុមគ្រូពេទ្យស្ម័គ្រចិត្តរបស់សម្តេចពិជ័យសេនា ទៀ បាញ់ ក្រុមគ្រូពេទ្យស្ម័គ្រចិត្ត ស.ស.យ.ក និងក្រុមគ្រូពេទ្យនៃអង្គភាពផ្សេងៗ បានដំណើរការចាក់វ៉ាក់សាំងជូនប្រជាពលរដ្ឋដែលមានអាយុពី១៨ឆ្នាំឡើងទៅ នៅរាជធានីភ្នំពេញបានយ៉ាងរលូន ស្របតាមជំហានកម្មវិធីការងារ ដែលបានគ្រោងទុក ហើយប្រជាពលរដ្ឋក៏បានស្ម័គ្រចិត្តយ៉ាងសស្រាក់សស្រាំ តម្រង់ជាជួរមកចាក់វ៉ាក់សាំង តាមគោលដៅ នៃខណ្ឌនីមួយៗ ដែលគិតមកដល់ថ្ងៃទី២៣ ខែមិថុនា ឆ្នាំ២០២១ បានចំនួន ១.៦៦២.៣៥៦នាក់ (ដូសទី១) និង ១.៤៩៨.៧៨៧នាក់ (ដូសទី២)។

ប៉ុន្តែទោះជាយ៉ាងនេះក្តី រដ្ឋបាលរាជធានីភ្នំពេញសង្កេតឃើញថា នៅមានប្រជាពលរដ្ឋមួយចំនួនតូចទៀត ពុំទាន់មកទទួលការចាក់វ៉ាក់សាំង នៅឡើយ។ ដើម្បីឈានទៅសម្រេចលទ្ធផលឱ្យបានជោគជ័យ១០០ភាគរយ ស្របតាមផែនការយុទ្ធសាស្ត្ររបស់គណៈកម្មការចាក់វ៉ាក់សាំង និងរាជរដ្ឋាភិបាល ដែលគ្រោងបិទបញ្ចប់យុទ្ធនាការចាក់វ៉ាក់សាំងជូនប្រជាពលរដ្ឋនៅរាជធានីភ្នំពេញ នៅសប្តាហ៍ទី១ ខែកក្កដា ឆ្នាំ២០២១នោះ រដ្ឋបាលរាជធានីភ្នំពេញបានអំពាវនាវដល់ប្រជាពលរដ្ឋដែលកំពុងរស់នៅស្នាក់នៅ ប្រកបអាជីវកម្មមុខរបរផ្សេងៗ នៅក្នុងភូមិសាស្ត្ររាជធានីភ្នំពេញ ដែលពុំទាន់បានទទួលការចាក់វ៉ាក់សាំង អញ្ជើញរួសរាន់មកចាក់វ៉ាក់សាំង ចាប់ពីថ្ងៃទី២៧ ខែមិថុនា រហូតដល់ថ្ងៃទី០៨ ខែកក្កដា ឆ្នាំ២០២១កុំបីខាន នៅតាមទីតាំងដែលបានកំណត់ក្នុងខណ្ឌទាំង១៤ ៕

" សូមអានបន្ត "

ចេញផ្សាយថ្ងៃ: June 29, 2021

អ្នកនិពន្ឋ:

ចំនួនអ្នកទស្សនា: Views


កំពង់ឆ្នាំង៖ នៅរសៀលថ្ងៃទី២៨ ខែមិថុនា ឆ្នាំ២០២១នេះ នៅសាលប្រជុំស្នាក់ការគណបក្សប្រជាជនកម្ពុជាខេត្តកំពង់ឆ្នាំង បានប្រារព្ធពិធីសំណេះសំណាល និងផ្សព្វផ្សាយប្រវត្តិគណបក្សប្រជាជនកម្ពុជាខួបលើកទី៧០ (២៨ ខែមិថុនា ឆ្នាំ១៩៥១-២៨ ខែមិថុនា ឆ្នាំ២០២១) ក្រោមអធិបតីភាពឯកឧត្តម ឈួរ ច័ន្ទឌឿន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សប្រជាជនកម្ពុជាខេត្តកំពង់ឆ្នាំង។

ដោយមានការអញ្ជើញចូលរួមពីឯកឧត្តមអនុប្រធានគណៈកម្មាធិការគណបក្សប្រជាជនកម្ពុជាខេត្ត ឯកឧត្តមលោកជំទាវសមាជិកអចិន្រ្តៃយ៍គណៈកម្មាធិការគណបក្សប្រជាជនកម្ពុជាខេត្ត ប្រធាន អនុប្រធានសាខាគណបក្សប្រជាជនកម្ពុជា មន្ទីរអង្គភាពជុំវិញខេត្តចូលរួមផងដែរ ៕ ដោយ៖ មន្ទីរព័ត៌មានខេត្តកំពង់ឆ្នាំង​ សម្រួលផ្សាយដោយ៖ ធូ កុសល


" សូមអានបន្ត "

ចេញផ្សាយថ្ងៃ: June 29, 2021

អ្នកនិពន្ឋ:

ចំនួនអ្នកទស្សនា: Views

 


ខេត្ត ព្រះវិហារ  ៖  លោក ស្រ៊ុន បូរិន អនុប្រធានមន្ទីរកសិកម្មរុក្ខាប្រម៉ាញ់នឹងនេសាទខេត្តព្រះវិហារ តំណាងលោក

ពឹង ទ្រីដា ប្រធានមន្ទីរកសិកម្មខេត្ត  កាលពី ព្រឹកថ្ងៃទី២៨  ខែមិថុនា ឆ្នាំ២០២១

បានអញ្ជើញជាអធិបតីនៅក្នុងពិធីចែកសម្ភារៈល្បាត ជូនដល់សហគមន៍ការពារព្រៃឈើទាំង១១ ស្ថិតក្នុងដែន

សមត្ថកិច្ចរដ្ឋបាលព្រៃឈើឆែប សម្ភារះរួមមានវិទ្យុទាក់ទងចំនួន៤គ្រឿង ជីភីអេសចំនួន២គ្រឿង  ប្រេងសាំងចំនួន៤១៤លីត្រ ប្រេងម៉ាស៊ូតចំនួន៣២៦លីត្រនឹងសម្ភារះមួយចំនួនធំទៀត ។



លោក សេង លាង នាយផ្នែករដ្ឋបាល ព្រៃឈើឆែប បានអោយដឹងថា ការចែក សម្ភារះល្បាតជូនដល់សហគមន៍ការពារព្រៃឈើទាំង១១  ស្ថិតក្នុងដែន

សមត្ថកិច្ចផ្នែករដ្ឋបាលព្រៃឈើឆែប គឺចែកបានចំនួន៥លើករួចមកហើយ ដែលជាអំណោយរបស់រាជរដ្ឋាភិបាល តាមរយះក្រសួងកសិកម្ម តាមរយៈមន្ទីរកម្មសិកម្ម យកមកចែកជូនដល់បងប្អូនប្រជាសហគមន៍ ដើម្បីជួយសម្រួលដល់ការងារចុះល្បាតការពារព្រៃឈើតាមគោលដៅនិមួយៗ ។


លោក នួន សុខុម បានអោយដឹងថា ការការពារធនធានធម្មជាតិអោយគង់វង់ទៅបាន អាស្រយ័ដោយមានការចូលរួមពីគ្រប់ពីគ្រប់ភាគ្គីពាក់ពន្ឋ័ទាំងអស់ក្នុងនោះមានសហគមន៍ការពារព្រៃឈើ 

ជាជ្ញាធរដែនដី កងកម្លាំងប្រដាប់អាវុធ សហការជាមួយសមត្ថកិច្ចជំនាញ សហគមន៍មានតួនាទីភារៈកិច្ច

យ៉ាងសំខាន់ក្នុងជួយផ្សព្វផ្សាយពីសារះសំខាន់របស់ព្រៃឈើ ព្រោះថាព្រៃឈើបានផ្តល់ផលប្រ

យោជយ៉ាងច្រើនដល់មនុស្សនឹងសត្វ ។


លោក ស្រ៊ុន បូរិន ថ្លែងកោតសរសើរដល់ខណ្ឌ័រដ្ឋ ផ្នែក សង្កាត់រដ្ឋបាល ព្រៃឈើ អាជ្ញាធរដែនដី កងកម្លាំងប្រដាប់អាវុធ ពិសេសសហគមន៍ការពារព្រៃឈើទាំងអស់ ដែលបានសហការគ្នា ការពារធនធានធម្មជាតិរបស់យើងបានល្អប្រសើរ បើទោះបីផ្នែកខ្លះមានការខ្វះចន្លោះ យើងរួមគ្នាបំពេញកែលំអរលើងវិញ ដើម្បីការពារព្រៃឈើរបស់យើងអោយបានគង់វង់ទុកអោយមនុស្សជំនាន់ក្រោយបានដឹងនឹងស្គាល់ពីសារៈសំខាន់នឹងតម្លៃព្រៃឈើរបស់យើង ។ 


លោក ស្រ៊ុន បូរិន បានរំលឹកដល់សហគមន៍ទាំងអស់ អោយខិតខំបន្តអនុវត្តការងារដកស្ទូង បង្ករបង្កើនផលដាំដំណាំរួមផ្សំផ្សេងៗដើម្បីជួយបង្កើនដល់សេដ្ឋកិច្ចគ្រួសារអោយបានធូធាមួយកម្រិតបន្ថែមទៀត នឹងសូមអោយបងប្អូនយលងយកចិត្តទុកដាក់ការពារជម្ងឺកូវីត១៩  ដែលកំពង់រាតត្បាតនៅទូទាំងប្រទេស ពិសេសអនុវត្តអោយបានគោលការណ៍របស់រាជរដ្ឋាភិបាលបីកុំបីការពារនឹងស្តាប់ការណែនាំរបស់ក្រសួងសុខាភិបាល ៕,វណ្ណៈ











" សូមអានបន្ត "

ចេញផ្សាយថ្ងៃ: June 28, 2021