ផ្សាយពាណិជ្ជកម្ម



 

អ្នកនិពន្ឋ:

  ភ្នំពេញ:ថ្ងៃទី១១ ខែធ្នូ ឆ្នាំ២០២១

សាលិខិត សម្តេចតេជោ ហ៊ុន សែន ក្នុងឱកាសវេទិកានិពន្ធនាយកសារព័ត៌មានកម្ពុជាស្តីពី «កូវីដ-១៩ បញ្ហាប្រឈម និងឱកាសសម្រាប់អ្នកសារព័ត៌មាន» ថ្ងៃទី១១ ខែធ្នូ ឆ្នាំ២០២១




" សូមអានបន្ត " ចេញផ្សាយថ្ងៃ: December 11, 2021

អ្នកនិពន្ឋ:



 កំពង់ធំ :ថ្ងៃទី១០ ខែធ្នូ ឆ្នាំ២០២១ លោកជំទាវ លំ គន្ធារី អភិបាលរងខេត្តកំពង់ធំ និងជាអនុប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំ បានអញ្ជើញជាអធិបតីភាព ក្នុងពិធីប្រារព្ធទិវាអន្តរជាតិនៃអ្នកស្ម័គ្រចិត្ត ៥ ធ្នូ ២០២១ ក្រោមប្រធានបទៈស្ម័គ្រចិត្តពេលនេះ ដើម្បីអនាគតរបស់យើងទាំងអស់គ្នា បន្តធ្វើសកម្មភាពដោយមិនឈប់ឈរឡើយ នៅព្រឹកថ្ងៃ៥កើត ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃព្រហស្បតិ៍ ទី០៩ ខែធ្នូ ឆ្នាំ២០២១ នៅស្រុកសន្ទុក ខេត្តកំពង់ធំ។

លោកជំទាវ លំ គន្ធារី មានប្រសាសន៍ថា ប្រធានបទនេះ មានគោលបំណងអំពាវនាវចំពោះយុវជន និងអ្នកស្ម័គ្រចិត្តកាកបាទក្រហមកម្ពុជា ចំពោះសាធារណជន និងបងប្អូន រួមជាតិ សូមបន្តចូលរួមឱ្យបានកាន់តែសកម្មថែមទៀត នៅក្នុងការទទួលខុសត្រូវទប់ស្កាត់ជំងឺកូវីដ-១៩ ជំងឺឆ្លងរាតត្បាតសកលនានា និងបណ្ដុំខ្លួនក្នុងការរស់នៅតាមគន្លងប្រក្រតីភាពថ្មី ក្នុងបរិបទនៃជំងឺកូវីដ-១៩ ដែលនេះជាប្រការចាំបាច់បំផុតក្នុងការចូលរួមស្តារ និងអភិវឌ្ឍប្រទេស ក្នុងការបើកប្រទេសជាតិឡើងវិញគ្រប់វិស័យ។

ជាមួយគ្នានេះដែរ ប្រធានបទនេះបានគូសបញ្ជាក់ពីការប្ដេជ្ញាចិត្ត របស់កាកបាទក្រហមកម្ពុជា ក្នុងការរឹតបន្តឹងកម្លាំងសាមគ្គីភាព ពង្រឹង និងពង្រីកយុវជន និង អ្នកស្ម័គ្រចិត្តកាកបាទក្រហមកម្ពុជា ធ្វើសកម្មភាពមិនឈប់ឈរឡើយ នៅក្នុងប្រតិបត្តិការមនុស្សធម៌ ជួយអ្នកងាយរងគ្រោះបំផុត និងអ្នករងគ្រោះ តាមទិសស្លោក “ កាកបាទក្រហមកម្ពុជា មានគ្រប់ទីកន្លែងសម្រាប់គ្រប់ៗគ្នា-មិនទុកនរណាម្នាក់ចោល ” និងបន្តខិតខំសម្រេចឱ្យបានល្អប្រសើរឡើង។

លោកជំទាវ មានប្រសាសន៍បន្តទៀតថា ក្នុងទិវាអន្តរជាតិ នៃអ្នកស្ម័ក្រចិត្ត ៥ ធ្នូ ២០២១ ដ៏ប្រសើរថ្ងៃនេះ សូមកោតសរសើរ និងថ្លែងអំណរគុណយ៉ាងជ្រាលជ្រៅបំផុតចំពោះក្មួយៗជាយុវជនកាកបាទក្រហមកម្ពុជា បងប្អូនជាអ្នកស្ម័គ្រចិត្តទាំងអស់ ដែលក្នុងគ្រប់កាលៈទេសៈ ជាពិសេសក្នុងការប្រយុទ្ធប្រឆាំងនឹងជំងឺកូវីដ-១៩ ។ បានខិតខំប្រឹងប្រែង តស៊ូយ៉ាងស្វិតស្វាញ ពុះពាររាល់ឧបសគ្គ និងជម្នះបញ្ហាប្រឈមនានា ព្រមទាំងធ្វើការអប់រំផ្សព្វផ្សាយតាមគ្រប់រូបភាព និងមធ្យោបាយ មិនខ្លាចនឿយហត់ ពាំនាំនូវសារគន្លឹះ ទប់ស្កាត់ជំងឺកូវីដ-១៩ បានទៅដល់ប្រជាពលរដ្ឋតាមខ្នងផ្ទះ និងកន្លែងនានា ធ្វើការអប់រំផ្សព្វផ្សាយតាមរយៈសកម្មភាពមិត្តអប់រំមិត្ត តាមឧឃោសនសព្ទ តាមរថយន្តចល័តក្នុងសហគមន៍ តាមបណ្ដាញសង្គម តាមប្រព័ន្ធព័ត៌មាន។ល។

លោកជំទាវ លំ គន្ធារី ក៏បានផ្ដាំផ្ញើដល់អ្នកស្ម័គ្រចិត្តទាំងអស់ ត្រូវតែលើកកម្ពស់ស្មារតីស្ម័គ្រចិត្ត និងសូមគោរពថ្លែងអំណរគុណចំពោះសប្បុរសជនគ្រប់មជ្ឈដ្ឋាន ដែលតែងតែផ្ដល់ការជួយឧបត្ថម្ភ គាំទ្រដោយសទ្ធាជ្រះថ្លា ដោយការស្ម័គ្រចិត្ត ដល់ប្រតិបត្តិការរបស់កាកបាទក្រហមកម្ពុជា នៅគ្រប់ទីកន្លែងដើម្បីបុព្វហេតុមនុស្សធម៌ និង សូមអំពាវនាវចំពោះ សម្តេច ឯកឧត្តម លោកជំទាវ អ្នកឧកញ៉ា លោកឧកញ៉ា អស់លោក លោកស្រី អ្នកនាងកញ្ញា សូមបន្តពង្រឹងកម្លាំងសាមគ្គីភាពជាមួយកាកបាទក្រហមកម្ពុជា ជារៀងដរាបតទៅ៕ដោយ ស៊ុម វណ្ណា សម្រួលផ្សាយដោយ៖ ធូ កុសល

" សូមអានបន្ត " ចេញផ្សាយថ្ងៃ: December 10, 2021


ភ្នំំំំ:ពេញញ ថ្ងៃទី០៩ ខែធ្នូ ឆ្នាំ២០២១

លោក ម៉ៅ ស្រេង ប្រធានស្ថាប័ន IDP & ACE កម្ពុជា និងជាអនុប្រធានខេមរសហព័ន្ធតេក្វាន់ដូ (WT) តំណាងឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងជាប្រធានខេមរសហព័ន្ធតេក្វាន់ដូ WT បានចាត់ទុកថា វគ្គបណ្តុះបណ្តាលអាជ្ញាកណ្តាលចៅក្រមថ្នាក់ជាតិ នឹងអាចក្លាយខ្លួនទៅជាអាជ្ញាកណ្តាល-ចៅក្រមអន្តរជាតិ ដើម្បីត្រៀមឆ្ពោះទៅទទួលរៀបចំធ្វើម្ចាស់ផ្ទះ ស៊ីហ្គេម លើកទី៣២ ឆ្នាំ២០២៣ ជាប្រវត្តិសាស្ត្រដំបូងរបស់កម្ពុជា។

តំណាងប្រធានសហព័ន្ធរូបនេះបានចាត់ទុកថា វគ្គបណ្តុះបណ្តាលនេះនឹងជួយអភិវឌ្ឍន៍ដល់វិស័យកីឡាតេក្វាន់ដូ WT នៅកម្ពុជាឱ្យរីកចម្រើនទៅមុខបន្តទៀត។ ការរៀបចំវគ្គបណ្តុះបណ្តាលអាជ្ញាកណ្តាល-ចៅក្រមថ្នាក់ជាតិ នាពេលនេះគោលដៅចង់ឱ្យប្អូនៗយកទៅបម្រើឱ្យការប្រកួតកីឡាតេក្វាន់ដូ WT ក្នុងប្រទេស និងឆ្ពោះទៅធ្វើជាអាជ្ញាកណ្តាលអន្តរជាតិ សម្រាប់កម្មវិធីប្រកួតកីឡាតេក្វាន់ដូនានា លើឆាកអន្តរជាតិ ពិសេសសម្រាប់ត្រៀមធ្វើជាម្ចាស់ផ្ទះ នៃការប្រកួតកីឡា ស៊ីហ្គេម ឆ្នាំ២០២៣។

ឯកឧត្តមបណ្ឌិត ជ្រិន សុធា អគ្គលេខាធិការខេមរសហព័ន្ធកីឡាតេក្វាន់ដូ WT បានលើកឡើងថា វគ្គបណ្តុះបណ្តាលអាជ្ញាកណ្តាល-ចៅក្រមតេក្វាន់ដូ WT ថ្នាក់ជាតិ ប្រចាំឆ្នាំ២០២១នេះ បានប្រព្រឹត្តទៅចាប់ពីថ្ងៃទី០៥-០៨ ខែធ្នូ ឆ្នាំ២០២១ នៅសាលា ACE សាខាចាក់អង្រែក្រោម សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ដោយមានសិក្ខាកាមមកពីបណ្តាក្លិបកីឡាតេក្វាន់ដូ WT រាជធានី-ខេត្ត សរុបចំនួន ២០នាក់ (ស្រី៨នាក់) ក្នុងនោះមកពីខេត្តបាត់ដំបងចំនួន ៤នាក់ ស្រី ១នាក់, ខេត្តសៀមរាបចំនួន៣នាក់, ខេត្តមណ្ឌលគិរីចំនួន១នាក់, និងរាជធានីភ្នំពេញចំនួន ១២នាក់ ស្រី ០៧នាក់។

ឯកឧត្តមអគ្គលេខាធិការបន្តថា វគ្គនេះអាចដំណើរការទៅបានដោយសារមានការគាំទ្រពីក្រសួងអប់រំ យុវជន និងកីឡា តាមរយៈថវិកាគ្រាំទ្រជួយពន្លឿនដល់ការអភិវឌ្ឍរបស់ខេមរសហព័ន្ធតេក្វាន់ដូប្រចាំឆ្នាំ២០២១ ។ ការរៀបចំវគ្គបណ្តុះបណ្តាលនេះ គឺដើម្បីផ្តល់ឱកាសដល់សិក្ខាកាមទាំងអស់បានក្រេបយកចំណេះដឹងថ្មីៗ និងទទួលនូវបទពិសោធន៍ជាច្រើនទៀតពីគ្រូបង្គោលជាអាជ្ញាកណ្តាលអន្តរជាតិ ក្នុងការត្រៀមខ្លួនឱ្យក្លាយជាអាជ្ញាកណ្តាលអន្តរជាតិបន្តវេនជំនាន់ក្រោយៗ ហើយក៏ជាក្តីសង្ឃឹមសម្រាប់ខេមរសហព័ន្ធតេក្វាន់ដូ ឆ្ពោះទៅធ្វើម្ចាស់ផ្ទះ ស៊ីហ្គេម ឆ្នាំ២០២៣ របស់កម្ពុជាផងដែរ។

សូមបញ្ជាក់ថា ជាលទ្ធផលប្រឡងបញ្ចប់វគ្គ អាជ្ញាកណ្តាល-ចៅក្រមទទួលបាននិទ្ទេសល្អ ៣នាក់ស្មើ១៥ភាគរយ, ល្អបង្គួរ ១០នាក់ (ស្រី៦នាក់) ស្មើ៥០ភាគរយ, និងមធ្យម ៧នាក់ (ស្រីម្នាក់) ស្មើ៣៥ភាគរយ។ ក្នុងឱកាសបិទវគ្គនេះក៏មានការចូលរួមពីលោក ទុយ វិច្ឆិកា ប្រធានការិយាកីឡាទំនើបតំណាងលោក ហ៊ុន សាមុត នាយកដ្ឋានអប់រំកាយ និងកីឡា នៃក្រសួងអប់រំ យុវជន និងកីឡា និងលោកស្រី សុខ ធីតា តំណាងសាលា ACE សាខាចាក់អង្រែក្រោមផងដែរ៕ដោយហេង ណាលីន សម្រួលផ្សាយដោយ៖ dara






" សូមអានបន្ត " ចេញផ្សាយថ្ងៃ: December 09, 2021



ភ្នំពេញ៖ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា (NOCC) បានអញ្ជើញចូលរួមប្រជុំអនឡាញ កាលពីថ្ងៃទី៧ ខែធ្នូ ឆ្នាំ២០២១ នៅក្នុងក្របខណ្ឌក្រុមប្រឹក្សាកីឡាអាស៊ីអាគ្នេយ៍ ដោយទទួលបានលទ្ធផលល្អ ប្រសើរយ៉ាងច្រើន សម្រាប់ស៊ីហ្គេម លើកទី៣១ ឆ្នាំ២០២២ នៅប្រទេសវៀតណាម និងការធ្វើម្ចាស់ផ្ទះ ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ របស់កម្ពុជា។

ថ្លែងក្រោយកិច្ចប្រជុំពិសេសនេះ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា មានប្រសាសន៍ថា ក្រុមប្រឹក្សាកីឡាអាស៊ីអាគ្នេយ៍ បានត្រួតពិនិត្យវឌ្ឍនភាពការងារ ដោយក្នុងនោះម្ចាស់ផ្ទះស៊ីហ្គេម វៀតណាម បានកំណត់កាលបរិច្ឆេទច្បាស់លាស់ ពីថ្ងៃទី១២ ដល់ថ្ងៃទី២៣ ខែឧសភា ឆ្នាំ២០២២ ហើយម្ចាស់ ផ្ទះវៀតណាម បានធានាអះអាងឱ្យការរៀបចំការប្រកួតកីឡា ស៊ីហ្គេម របស់ខ្លួន ទទួលបានជោគជ័យ។

ឯកឧត្តម បញ្ជាក់ថា អ្វីដែលពិសេស គឺឯកឧត្តមបណ្ឌិត ថោង ខុន ត្រូវបានក្រុមប្រឹក្សាកីឡាអាស៊ីអាគ្នេយ៍ ប្រកាសតែងតាំងជាសហប្រធានដឹកនាំការរៀបចំការប្រកួតស៊ីហ្គេម ឆ្នាំ២០២៣ នៅកម្ពុជា ដោយសារម្ចាស់ផ្ទះស៊ីហ្គេម វៀតណាម មិនទាន់បាន បញ្ចប់បេសកកម្មរបស់ខ្លួន។ រឿងសំខាន់នៅក្នុងពេលដំណាលគ្នានេះដែរ គឺក្រុមប្រឹក្សាកីឡាអាស៊ីអាគ្នេយ៍ និងគណៈកម្មាធិការជាតិអូឡាំពិកនៃបណ្តាប្រទេសទាំងអស់ ក្នុងអាស៊ីអាគ្នេយ៍ បានសម្តែងការអបអរសាទរដល់កម្ពុជា មិនត្រឹមសម្រាប់តែសហប្រធានស៊ីហ្គេមប៉ុណ្ណោះទេ ប៉ុន្តែថែមទាំងអបអរដល់កម្ពុជា ដែលទទួលធ្វើម្ចាស់ផ្ទះ ការប្រកួតកីឡាយុវជនអាស៊ី លើកទី៥ នាឆ្នាំ២០២៩ ផងដែរ ។

ជាមួយគ្នានោះ កម្ពុជាក៏បានបង្ហាញវឌ្ឍនភាពការងាររបស់គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើក ទី៣២ ឆ្នាំ២០២៣ (CAMSOC) ដោយយើងបានធ្វើបទបង្ហាញពីការរៀបចំ គ្រប់គ្រង ដឹកនាំ ព្រមទាំងយុទ្ធសាស្ត្រមួយចំនួនទៀត ផ្តល់ជូនដល់បណ្តាប្រទេសផ្សេងៗទៀត ដើម្បីត្រៀមលក្ខណៈចូលរួម ស៊ីហ្គេម នៅឆ្នាំ២០២៣ ដូចជាប្រភេទកីឡាមួយចំនួនដែលមិនទាន់បានកំណត់ចុងក្រោយ ក្នុងចំណោមជាង៤០ប្រភេទកីឡា។

ឯកឧត្តម វ៉ាត់ ចំរើន សង្កត់ធ្ងន់ថា នៅក្នុងសារលិខិតគន្លឹះរបស់ឯក ឧត្តមបណ្ឌិត ថោង ខុន ក្នុងនាមសហប្រធានស៊ីហ្គេម បានជម្រាបជូនដល់សមាជិកអាស៊ីអាគ្នេយ៍ទាំងអស់ថា កម្ពុជាបានធូរស្រាលពីជំងឺកូវីដ-១៩ និងបានបើកដំណើរការប្រទេសឡើងវិញ ហើយឯកឧត្តមបណ្ឌិត បានអញ្ជើញភ្ញៀវទាំងអស់ មកចូលរួមកិច្ចប្រជុំពិសេសដោយផ្ទាល់មួយនៅកម្ពុជា នាខែកុម្ភៈ ឆ្នាំ២០២២ ជាលើកដំបូង នៅទឹកដីនៃខេត្តសៀមរាប។ បណ្តាប្រទេសទាំងអស់ បង្ហាញនូវភាពរីករាយ និងគាំទ្រដល់កម្ពុជា សម្រាប់ការទទួលធ្វើម្ចាស់ផ្ទះ កិច្ចប្រជុំក្រុមប្រឹក្សាកីឡាអាស៊ីអាគ្នេយ៍ នាដើមឆ្នាំ២០២២។

ឯកឧត្តមបណ្ឌិត ថោង ខុន បានបង្ហាញពីការទទួលធ្វើម្ចាស់ផ្ទះ ដោយភាពកក់ក្តៅ កិត្តិយសជាតិ កិត្យានុភាពជាតិ ក្នុងនាមជាប្រទសដែលមានអរិយធម៌ វប្បធម៌ដ៏សម្បូរបែប ដោយយើងនឹងបង្ហាញពីសក្តានុពលជាតិ ទៅកាន់អន្តរជាតិ តាមរយៈកិច្ចប្រជុំក្រុមប្រឹក្សាកីឡាអាស៊ីអាគ្នេយ៍នៅកម្ពុជា ជាញឹកញាប់នាពេលខាងមុខ ក៏ដូចជាដល់ព្រឹត្តិការណ៍ កីឡាស៊ីហ្គេម ឆ្នាំ២០២៣ ទៀតផង។កម្ពុជានឹងស្វែងរកការគាំទ្របន្ថែមពីអន្តរជាតិ នៅក្នុងការប្តេជ្ញាចិត្តខ្ពស់ប្រឹងប្រែងអស់ពីលទ្ធភាព ធ្វើយ៉ាងណាឱ្យការទទួលធ្វើម្ចាស់ផ្ទះ ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ជាប្រវត្តិសាស្ត្រដំបូងរបស់ព្រះរាជាណាចក្រកម្ពុជា ទទួលបានជោគជ័យ៕

" សូមអានបន្ត " ចេញផ្សាយថ្ងៃ: December 08, 2021

 

ក្នុងជំនួបពិភាក្សានាឱកាសនោះ អគ្គមេបញ្ជាការកងទ័ពប្រទេសទាំងពីរ បានគូសបញ្ជាក់អំពីការចូលរួមរបស់កងទ័ពជាមួយរាជរដ្ឋាភិបាល ដើម្បីប្រយុទ្ធប្រឆាំងនឹងជំងឺកូវីដ-១៩។

អគ្គមេបញ្ជាការកងទ័ពកម្ពុជា និងម៉ាឡេស៊ី ក៏បានលើកឡើងអំពីកិច្ចសហប្រតិបត្តិការកងទ័ពប្រទេសទាំងពីរនាពេលកន្លងមក និងបានអះអាងពីការបន្តពង្រឹងពង្រីកកិច្ចសហប្រតិបត្តិការជាមួយគ្នាឡើងវិញ បន្ទាប់ពីអាក់ខានមួយរយៈដោយសារជំងឺកូវីដ-១៩។

ក្នុងនាមកងយោធពលខេមរភូមិន្ទធ្វើជាម្ចាស់ផ្ទះ នៃកិច្ចប្រជុំអគ្គមេបញ្ជាការកងទ័ពអាស៊ានលើកទី១៩ និងកិច្ចប្រជុំពាក់ព័ន្ធនាយឧត្តមសេនីយ៍ វង្ស ពិសេន បានអញ្ជើញឯកឧត្តម នាយឧត្តមសេនីយ៍ អគ្គមេបញ្ជាការកងទ័ពម៉ាឡេស៊ី ដើម្បីចូលរួមក្នុងកិច្ចប្រជុំនេះដោយផ្ទាល់នៅរាជធានីភ្នំពេញ នាអំឡុងខែមិនា ឆ្នាំ២០២២ ខាងមុខនេះ៕









" សូមអានបន្ត " ចេញផ្សាយថ្ងៃ: December 07, 2021


ភ្នំពេញ៖ សំណង់មន្ទីរពេទ្យពហុជំនាញភ្នំពេញ ដែលមានទីតាំង នៅក្នុងសង្កាត់វាលវង់ ខណ្ឌ៧ មករា បានបើកដំណើរការសាង សង់ហើយ ដែលមានកម្ពស់ ២៦ជាន់ ក្រោមដី៣ជាន់និងអាចដាក់គ្រែសំរាកពិនិត្យព្យាបាលអ្នកជំងឺបានពី១៥០ទៅ២០០គ្រែ ហើយគ្រោងសាងសង់ឱ្យរួចរាល់ក្នុងរយៈពេលពី៤ទៅ៥ឆ្នាំ ។

    ពិធីក្រុងពាលី និងបញ្ចុះបឋមសិលាតាមបែបសាសនាដើម្បីសុំម្ចាស់ទឹកម្ចាស់ដីសុំសេចក្តីសុខសេចក្តីចម្រើន បើកការដ្ឋាន សាងសង់ បានធ្វើឡើងនៅរសៀលថ្ងៃទី៦ធ្នូនេះ ក្រោមវត្តមាន ឯកឧត្ដមឃួង ស្រេងអភិ បាលនៃគណៈអភិបាលរាជធានី ភ្នំពេញ និងលោកជំទាវ ដោយមានលោកវេជ្ជបណ្ឌិតឈុន ឡាយ ជាតំណាងមន្ទីរពេទ្យពហុជំនាញភ្នំពេញនេះ។

  បើតាមអ្នកគ្រប់គ្រងមន្ទីរពេទ្យពហុជំនាញភ្នំពេញនេះបានគូសបញ្ជាក់ថា ដោយមានការផ្តល់ការគាំទ្រ និងលើកទឹកចិត្តពីសំណាក់ឯកឧត្ដមឃួង ស្រេង និងលោកជំទាវ បានធ្វើឱ្យគម្រោងសាងសង់មន្ទីរពេទ្យពហុជំនាញភ្នំពេញនាពេលនេះ ចេញជារូបរាង ដើម្បីបម្រើសេវាសុខាភិបាលជូនប្រជាពលរដ្ឋដោយបំពាក់ឧបករណ៍វេជ្ជសាស្ត្រទំនើបទាន់សម័យ និងគ្រប់ជំនាញ។

  លោកតំណាងមន្ទីរពេទ្យបញ្ជាក់ទៀតថា សំណង់មន្ទីរពេទ្យពហុជំនាញភ្នំពេញនេះ សាងសង់មានកម្ពស់២៦ជាន់,ក្រោមដី៣ជាន់និងអាចដាក់គ្រែសំរាកពិនិត្យព្យាបាលអ្នកជំងឺបានពី១៥០ទៅ២០០គ្រែ និងគ្រោងសាងសង់ឱ្យរួចរាល់ក្នុងរយៈ ពេលពី៤ទៅ៥ឆ្នាំ ដែលជាពេទ្យឯកជនហើយបម្រើសេវាសុខភាពដូចពេទ្យរដ្ឋដែរ ដោយគិតទៅលើការជួយសង្គ្រោះប្រជាពលរដ្ឋដែលខ្វះខាតជា ចម្បង។

  សូមបញ្ជាក់ថា សម្រាប់ក្របខណ្ឌ័រាជធានីភ្នំពេញ គណៈអភិបាលរាជធានីភ្នំពេញរួមនឹងអង្គភាពជំនាញ បានដំណើរការបង្ខិតសេវាសុខាភិបាល ពង្រឹងនិងពង្រីកយន្តការនៃការផ្តល់សេវាផ្នែករដ្ឋ ព្រមទាំងបង្កលក្ខណៈងាយស្រួលដល់ការចូលរួមរបស់សេវាសុខាភិបាលឯកជន ក្នុងនោះគិតត្រឹមឆ្នាំ២០២១នេះ  នៅរាជធានីភ្នំពេញមានការិយាល័យសុខាភិបាលស្រុកប្រតិបត្តិចំនួន៧, មន្ទីរពេទ្យបង្អែកចំនួន១,មន្ទីរពេទ្យថ្នាក់ស្រុកចំនួន៧,មណ្ឌលសុខភាពចំនួន៤៣,ប៉ុស្តិ៍សុខភាពចំនួន៧ដែលជាសេវាគ្រប់គ្រងដោយរដ្ឋ ព្រមទាំងមានមូលដ្ឋានសុខាភិបាល ឯកជនចំនួន២៧៥៧ ទីតាំងបន្ថែមទៀត កំពុងផ្តល់សេវាពិនិត្យពិគ្រោះនិងព្យាបាលជំងឺទូទៅជូនប្រជាពលរដ្ឋគ្រប់មជ្ឈដ្ឋាន។

  ក្នុងដំណាក់កាលរីករាលដាល នៃជំងឺកូវីដ-១៩ អាជ្ញាធររាជធានី ភ្នំពេញដែលដឹកនាំដោយ ឯកឧត្ដមឃួង ស្រេង អភិបាលនៃគណៈអភិបាលរាជធានីភ្នំពេញ រួមនិងកងកម្លាំងប្រដាប់អាវុធ,មន្ត្រីរាជការ រួមនិងអង្គភាពជំនាញបានខិតខំប្រឹងប្រែង យ៉ាងពេញទំហឹងដើម្បីទប់ស្កាត់ការរីករាលដាលជំងឺកូវីដ-១៩ក្នុងរាជធានីភ្នំពេញ តាមរយៈការអនុវត្តន៍វិធានចម្បងៗរបស់ក្រសួងសុខាភិបាល និងតាមអនុសាសន៍ ដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដើម្បី បម្រើសុខុមាភាពរបស់ប្រជាពលរដ្ឋ៕

" សូមអានបន្ត " ចេញផ្សាយថ្ងៃ: December 07, 2021


ពិធីសម្ពោធដាក់ឱ្យប្រើប្រាស់ផ្លូវជាតិលេខ១១ និងផ្លូវក្នុងក្រុងព្រៃវែងនេះ នឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា។

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា គម្រោងសាងសង់ផ្លូវជាតិលេខ១១ និងផ្លូវក្នុងក្រុងព្រៃវែង មានប្រវែងសរុប ៩៦.៤៨គីឡូម៉ែត្រ ចាប់ពីអ្នកលឿង (ចំណុចប្រសព្វផ្លូវជាតិលេខ១) ស្ថិតនៅភូមិលេខ៤ ឃុំព្រែកខ្សាយ-ខ ស្រុកពាមរក៍ ខេត្តព្រៃវែង ដល់ថ្នល់ទទឹង (ចំណុចប្រសព្វផ្លូវជាតិលេខ៧) ស្ថិតក្នុងភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ។ ក្នុងប្រវែងខ្សែផ្លូវសរុប ផ្លូវជាតិមានប្រវែង ៨៦.៦៨គីឡូម៉ែត្រ ឆ្លងកាត់ទឹកដីខេត្តព្រៃវែង ប្រវែង ៦៥គីឡូម៉ែត្រ និងទឹកដីខេត្តត្បូងឃ្មុំ ប្រវែង ២១.៦៨គីឡូម៉ែត្រ និងផ្លូវក្នុងក្រុងព្រៃវែងប្រវែង ៩.៨០គីឡូម៉ែត្រ។

លោកទេសរដ្ឋមន្ត្រី បានឱ្យដឹងទៀតថា ផ្លូវជាតិលេខ១១ ជាប្រភេទផ្លូវក្រាលបេតុងកៅស៊ូ AC កម្រាស់ ៥សង់ទីម៉ែត្រ លើកកម្ពស់ និងពង្រីកទទឹងផ្លូវពី ៩ម៉ែត្រ ទៅ ១១ម៉ែត្រ ក្រាលស្រទាប់គ្រឹះទាំងលើ និងក្រោមកម្រាស់ ៦០សង់ទីម៉ែត្រ។ ក្នុងទទឹងតួផ្លូវប្រវែង ១១ម៉ែត្រ មាន ៧ម៉ែត្រ សម្រាប់រថយន្តចរាចរណ៍ដែល ចែកជា ២គន្លង (១ទៅ ១មក) ផ្លូវសម្រាប់ទោចក្រយានយន្ត មាន ២គន្លង (១ទៅ ១មក) ដែលគន្លងនីមួយៗមានទទឹង ១.៥០ម៉ែត្រ និងចិញ្ចើមដីក្រហមសងខាងមានទទឹង ០,៥០ម៉ែត្រ។ សាងសង់ស្ពានថ្មីចំនួន ២កន្លែង ប្រវែងសរុប ១៤០ម៉ែត្រ សាងសង់លូជ្រុងចំនួន ៣កន្លែង លូមូលចំនួន ៩១កន្លែង និងលូដាក់តាមប្រឡាយសងខាងផ្លូវចំនួន ១៩២កន្លែង។ បំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោលសុវត្ថិភាព។

ផ្លូវនេះសាងសង់ដោយក្រុមហ៊ុនសាជីវកម្មស្ពាន និងថ្នល់ចិន (CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ប្រើប្រាស់រយៈពេលសាងសង់ ចំនួន ៤៤ខែ។ ប៉ុន្តែការសាងសង់ជាក់ស្តែងត្រឹមតែ ៣០ខែប៉ុណ្ណោះ គិតចាប់ថ្ងៃទី១៩ ខែធ្នូ ឆ្នាំ២០១៧ និងបញ្ចប់នៅថ្ងៃទី១៧ ខែមិថុនា ឆ្នាំ២០២០ លឿនជាងផែនការគ្រោងទុក ១៤ខែ។ ផ្លូវនេះ ចំណាយថវិកាសាងសង់សរុប ៩៨.៣៨៨លានដុល្លារអាមេរិក រួមជាមួយនឹងថវិកាបដិភាគរបស់រាជរដ្ឋាភិបាលសម្រាប់ការងារដោះស្រាយផលប៉ះពាល់ និងយុទ្ធភ័ណ្ឌមិនទាន់ផ្ទុះផងដែរ។

ហេដ្ឋារចនាសម្ព័ន្ធផ្លូវ ស្ពាន គឺជាវិស័យអាទិភាពមួយនៅក្នុងគោលនយោបាយដឹកនាំរបស់សម្តេចតេជោ ហ៊ុន សែន ចាប់តាំងពីក្រោយរបបប្រល័យពូជសាសន៍ ប៉ុល ពត ជាពិសេសក្រោយពេលសម្តេចបានក្លាយជាកាន់ចង្កូតនាវាកម្ពុជានៅឆ្នាំ១៩៨៥។ មកដល់ពេលបច្ចុប្បន្ននេះ ទោះបីស្ថិតក្នុងវិបត្តិនៃការរាតដោយជំងឺកូវីដ១៩យ៉ាងណាក្តី តែការកសាងហេដ្ឋារចនាសម្ព័ន្ធផ្លូវ ស្ពាន នៅតែបន្តដំណើរការ ហើយផ្លូវជាច្រើនបានបញ្ចប់ការសាងសង់ និងសម្ពោធដាក់ឱ្យប្រើប្រាស់ជាបន្តបន្ទាប់ ដើម្បីបំពេញសេចក្តីត្រូវការរបស់ប្រជាពលរដ្ឋ និងដើម្បីរុញកំណើនសេដ្ឋកិច្ចជាតិ។

សម្រាប់ផ្លូវជាតិលេខ១១ និងផ្លូវក្នុងក្រុងព្រៃវែង ក៏ជាបណ្តាញផ្លូវដ៏មានសារៈសំខាន់ផងដែរ។ លោកទេសរដ្ឋមន្ត្រី ស៊ុន ចាន់ថុល បានចាត់ទុកផ្លូវជាតិលេខ១១ និងផ្លូវក្នុងក្រុងព្រៃវែង គឺជាចំណងដៃដ៏ថ្លៃថ្លាមិនអាចកាត់ថ្លៃបាន របស់រាជរដ្ឋាភិបាលកម្ពុជា ជូនដល់ប្រជាពលរដ្ឋខេត្តព្រៃវែង និងខេត្តត្បូងឃ្មុំ ព្រមទាំងប្រជាពលរដ្ឋទូទាំងប្រទេស ដើម្បីប្រើប្រាស់ជាប្រយោជន៍ទូទៅ និងយូរអង្វែង។

លោករដ្ឋមន្ត្រីក្រសួងសាធារណការ និងដឹកជញ្ជូន បានអះអាងថា ផ្លូវជាតិលេខ១១ នេះ នឹងក្លាយជាខ្សែផ្លូវដ៏មានសក្តានុពលតភ្ជាប់ទំនាក់ទំនងរូបវន្ត ស្ថាប័ន និងប្រជាជន រវាងខេត្តព្រៃវែង និងខេត្តត្បូងឃ្មុំ ជាមួយនឹងរាជធានី-ខេត្តផ្សេងៗដទៃទៀត និងជាផ្លូវមួយដែលជួយសម្រួលដល់ចរាចរណ៍ ការដឹកជញ្ជូនទំនិញ អ្នកដំណើរ និងទេសចរ ព្រមទាំងកសិផល និងដំណាំកសិឧស្សាហកម្មផ្សេងៗជាច្រើនរបស់បងប្អូនប្រជាពលរដ្ឋ និងក្រុមហ៊ុនធុរកិច្ចនានាទៅកាន់ទីផ្សារក្នុងស្រុក និងទីផ្សារអន្តរជាតិ កាន់តែមានប្រសិទ្ធភាពខ្ពស់ ឆាប់រហ័ស និងចំណាយតិច។ ផ្លូវនេះត្រូវបានចាត់ទុកថាជាសរសៃឈាម និងដង្ហើមសេដ្ឋកិច្ចដ៏រស់រវើករបស់ខេត្តព្រៃវែង និងខេត្តត្បូងឃ្មុំ និងជាផ្នែកមួយយ៉ាងសំខាន់រួមចំណែកធ្វើឱ្យប្រសើរឡើងនូវប្រព័ន្ធភស្តុភារកម្មនៅកម្ពុជា សំដៅទាញយកអត្ថប្រយោជន៍ឱ្យបានច្រើនលើសលប់ពីសមាហរណកម្មផ្ទៃក្នុង និងតំបន់។

លោកទេសរដ្ឋមន្ត្រី ក៏បានឱ្យដឹងផងដែរថា តាមលក្ខណៈភូមិសាស្ត្រ ការស្ថាបនា និងលើកកម្រិតផ្លូវជាតិលេខ១១នេះឡើងវិញ គឺមិនត្រឹមតែជួយសម្រួលដល់ចរាចរណ៍ប៉ុណ្ណោះនោះទេ ប៉ុន្តែថែមទាំងជួយបង្ការ ការពារ និងកាត់បន្ថយនូវគ្រោះទឹកជំនន់នាពេលអនាគតផងដែរ ជាក់ស្តែងនៅត្រង់ចំណុច គ.ម០៩+០០០ ដល់ គ.ម១០+០០០ ស្ថិតនៅភូមិបាទី ឃុំពាមរក៍ ស្រុកពាមរក៍ និងគ.ម១៦+០០០ ដល់ គ.ម១៩+000 ស្ថិតនៅភូមិបាបោង ឃុំបាបោង ស្រុកពាមរក៍ ត្រូវបានសាងសង់ដោយលើកតួផ្លូវ និងចាក់ដីបន្ថែមកម្ពស់ ១.៥ម៉ែត្រទៀត ដើម្បីទប់ទល់នឹងការជន់លិចស្ទើររៀងរាល់ឆ្នាំនៅរដូវវស្សា។

លើសពីនេះ ផ្លូវជាតិលេខ១១ ក៏ជាខ្សែផ្លូវតភ្ជាប់រវាងផ្លូវរបៀងសេដ្ឋកិច្ចពីរដ៏មានសក្តានុពលរបស់មហាអនុតំបន់មេគង្គ រួមមាន៖ ១៖ ផ្លូវអាស៊ានហាយវ៉េយ(AH1) តភ្ជាប់ពីព្រំដែនកម្ពុជា-ថៃ(ប៉ោយប៉ែត) តាមផ្លូវជាតិលេខ៥ និងផ្លូវជាតិលេខ១ ឆ្ពោះទៅកាន់ព្រំដែនកម្ពុជា-វៀតណាមនៅច្រកបាវិត ដែលភ្ជាប់ផ្លូវជាតិលេខ១១ ត្រង់ចំណុច អ្នកលឿង និង ២៖ ផ្លូវអាស៊ានហាយវ៉េ(AH11) តភ្ជាប់ពីព្រំដែនកម្ពុជា-ឡាវ កាត់តាមផ្លូវជាតិលេខ៧ ភ្ជាប់ទៅនឹងផ្លូវជាតិលេខ៦ ត្រង់ស្ពានព្រែកតាមាក់ ឆ្លងកាត់រាជធានីភ្នំពេញ និងចុះទៅកំពង់ផែស្វយ័តក្រុងព្រះសីហនុ តាមផ្លូវជាតិលេខ៤៕


" សូមអានបន្ត " ចេញផ្សាយថ្ងៃ: December 06, 2021


ប្រតិភូនេះដឹកនាំដោយ លោក សុខ សេងយ៉ន អនុរដ្ឋលេខាធិការ ក្រសួងមុខងារសាធារណៈ និងជានាយករងសាលាភូមិន្ទរដ្ឋបាល, លោកជំទាវឧត្តមសេនីយ៍ឯក ជ័យ បុប្ផា អគ្គលេខាធិការរង នៃអាជ្ញាធរជាតិប្រឆាំងគ្រឿងញៀន។

លោក សុខ សេងយ៉ន អនុរដ្ឋលេខាធិការ ក្រសួងមុខងារសាធារណៈ និងជានាយករងសាលាភូមិន្ទរដ្ឋបាល បានបញ្ជាក់ឱ្យដឹងថា ប្រតិភូជាសិក្ខាកាមក្នុងវគ្គបណ្តុះបណ្តាលកសាងសមត្ថភាពគណៈគ្រប់គ្រងអង្គភាពសាធារណៈ មន្ត្រីអាជ្ញាធរជាតិប្រយុទ្ធប្រឆាំងគ្រឿងញៀន និងអង្គភាពពាក់ព័ន្ធ ឆ្នាំ២០២១ នៃសាលាភូមិន្ទរដ្ឋបាលទាំង១១២រូប គឺជាមន្រ្តីរាជការមកពីអង្គភាព-ស្ថាប័ននានារួមមាន៖ ខុទ្ទកាល័យសម្តេចតេជោនាយករដ្ឋមន្រ្តី, ខុទ្ទកាល័យឧបនាយករដ្ឋមន្រ្តី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន, កងរាជអាវុធហត្ថលើផ្ទៃប្រទេស, គណៈកម្មាធិការជាតិប្រឆាំងភេរវកម្ម, អធិការដ្ឋាននគរបាលខណ្ឌ និងអង្គភាពផ្សេងៗមួយចំនួនទៀត។

វគ្គបណ្តុះបណ្តាលនេះសិក្សារយៈពេល១៥០ម៉ោង ចែកជា០៤មណ្ឌលគឺ៖
-មណ្ឌលទី១-ការស្វែងយល់ពីទស្សនៈរបស់ប្រធានស្ថាប័ន
-មណ្ឌលទី២-ជំនាញរដ្ឋបាលនិងការងារទំនាក់ទំនង
-មណ្ឌលទី៣-ការគ្រប់គ្រងនិងការរៀបចំថវិកាអង្គភាព
-មណ្ឌលទី៤-ករណីសិក្សា ដូចជាករណីសិក្សានៅរដ្ឋសភា និងព្រឹទ្ធសភានាថ្ងៃនេះ ហើយនឹងបន្ត ករណីសិក្សានៅអង្គភាព តំបន់អភិវឌ្ឍន៍ និងនៅតាមទីកន្លែងផ្សេងៗទៀត។

ជាមួយគ្នានេះមានម៉ោងអនុវត្តមេរៀនចំនួន៣៦ម៉ោង, ម៉ោងអនុវត្តផ្ទាល់លើករណីសិក្សា និងការងារសង្គមចំនួន៤៥ម៉ោង និងម៉ោងបច្ចេកទេសចំនួន៣៧ម៉ោង ដែលកម្មវិធីទាំងអស់នេះ រៀបចំក្នុងគោលបំណង ចង់ឱ្យសិក្ខាកាមជាថ្នាក់ដឹកនាំទាំង១១២រូប កាន់តែមានសមត្ថភាពជំនាញគ្រប់គ្រង តាមរយៈការលើកកម្ពស់នវានុវត្តន៍ និងកិច្ចសហប្រតិបត្តិការ ព្រមទាំងការបង្កើតទស្សនៈវិស្ស័យនិងយុទ្ធសាស្រ្ត ការកសាងក្រុមដែលមានសមត្ថភាពឆ្ពោះទៅរកកិច្ចសហការការងារ និងភាពជាដៃគូ ដើម្បីលើកកម្ពស់ការគិតបែបនវានុវត្តន៍ និងការដោះស្រាយបញ្ហាប្រកបដោយប្រសិទ្ធិភាព។

តាមការសង្កេតនៅក្នុងកម្មវិធីទស្សនកិច្ចសិក្សានេះ ឃើញថា សិក្ខាកាមមានការចាប់អារម្មណ៍ខ្ពស់ចំពោះតួនាទីភារកិច្ចសំខាន់ៗរបស់រដ្ឋសភាព និងព្រឹទ្ធសភា នៃព្រះរាជាណាចក្រកម្ពុជា ព្រោះបន្ទាប់ពីការថ្លែងបឋកថារបស់លោក ឡេង ប៉េងឡុង អគ្គលេខាធិការរដ្ឋសភាព និងការធ្វើបទបង្ហាញរបស់លោក កៃ កេតនិន អគ្គនាយក នៃអគ្គនាយកដ្ឋាននីតិកម្ម និងសិក្សាស្រាវជា្រវ នៃអគ្គលេខាធិការរដ្ឋសភា ព្រមទាំងការធ្វើបទបង្ហាញរបស់លោក ប៊ុន វុទ្ធា អគ្គនាយក នៃអគ្គនាយកដ្ឋានសេវាកម្មច្បាប់ និងសមូហភាពដែនដី នៃអគ្គលេខាធិការព្រឹទ្ធសភា ឃើញថាសិក្ខាកម្មបានកត់ត្រា និងចោទសួរយ៉ាងយកចិត្តទុកដាក់លើតួនាទីភារកិច្ចរបស់រដ្ឋសភា និងព្រឹទ្ធសភា នៃព្រះរាជាណាចក្រកម្ពុជា៕

" សូមអានបន្ត " ចេញផ្សាយថ្ងៃ: December 05, 2021